قاڭتارداعى تارتىپسىزدىكتەردى تەلەگرام كانال ارقىلى ۇيىمداستىرعان كۇدىكتى ۇستالدى

نۇر-سۇلتان. قازاقپارات - قاڭتار وقيعاسى كەزىندە تەلەگرام كانالى ارقىلى قۇقىق قورعاۋ قىزمەتكەرلەرىنە قارسىلىق ءبىلدىرۋ ءۇشىن تولىق نۇسقاۋلىقتار تاراتىلعان.
None
None

بۇل تۋرالى ورتالىق كوممۋنيكاتسيالار قىزمەتىندە ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«جامبىل وبلىسىنىڭ تۇرعىنى 2022 -جىلعى 4-قاڭتاردا الماتى قالاسىندا بولىپ، تەلەگرامم كانالدى اشىپ، وعان ساناۋلى ساعاتتاردا بىرنەشە مىڭ قاتىسۋشى جازىلدى. وسى كانال ارقىلى ونىڭ قاتىسۋشىلارى بارريكادالاردى قۇرۋ، «مولوتوۆ» كوكتەيلدەرىن دايىنداۋ جانە قۇقىق قورعاۋ قىزمەتكەرلەرىنە قارسىلىق ءبىلدىرۋ ءۇشىن تولىق نۇسقاۋلىق الىپ وتىرعان. كەيىن بيىلعى 5-6 -قاڭتاردا اتالعان كانال ارقىلى قيراتۋشىلاردىڭ قوزعالىسى جانە ولاردىڭ جامبىل وبلىسىنىڭ مەملەكەتتىك وبەكتىلەرىنە جاساعان شابۋىلدارىن تۇزەتۋ تۋرالى اقپارات ءجۇردى»، - دەدى ە. قيلىمجانوۆ.

ونىڭ ايتۋىنشا، كۇدىكتى ادام انىقتالىپ، قاماۋعا الىندى.

«وسى وڭىردە «گازەل» اۆتوكولىگىنىڭ جۇرگىزۋشىسى «س» جانە ونىڭ جاقتاسى «ك» ەسىمدى ازاماتتار انىقتالدى. ولار اتالعان كولىكپەن ءجۇرىپ، الدىن الا دايىندالعان ارماتۋرانى، ۇرلانعان پوليتسيانىڭ قالقاندارى مەن برونجيلەتتەرىن تاراتقان. سونداي-اق، قۇقىق قورعاۋ قىزمەتكەرلەرىنىڭ ءجۇرۋىن قيىنداتۋ ءۇشىن، ولار اۆتوكولىكتى جولداردى جابۋدا قولدانعان. قىلمىستىق ىستەردى تالداۋ ناتيجەلەرى وسى قىلمىستاردى جاساۋدىڭ ۇقساس تاسىلدەرى قايعىلى وقيعالار بولعان باسقا وڭىرلەردە دە بايقالاتىنىن كورسەتتى. بۇل ءمان-جايلار ولاردىڭ ۇيلەستىرىلۋىن جانە ءبىرىڭعاي جوسپاردىڭ بولعاندىعىن بايقاتتى»، - دەدى باس پروكۋراتۋرانىڭ وكىلى.

بۇدان بۇرىن حابارلانعانداي، قاڭتار وقيعاسىنا قاتىستى سوت سانكسيالارىمەن 627 كۇدىكتى ادام قاماۋدا وتىر.

سوڭعى جاڭالىقتار