ا ق ش-تا التىن قىمباتتاپ جاتىر
نيۋ-يوركتەگى Comex-تە ايدىڭ باسىندا ماۋسىمداعى التىن فيۋچەرستەرى 11,50 دوللارعا نەمەسە 1,2 پايىزعا ءوسىپ، سەسسيالىق ماكسيمۋم 2000,55 دوللارعا دەيىن جەتتى.
ماۋسىمداعى التىن وتكەن اپتادا 1,7 پايىزعا ءوسىپ، الدىڭعى اپتاداعى كورسەتكىشتەن 1,2 پايىزعا ارتتى. وتكەن دۇيسەنبىدە التىن باعاسى ا ق ش-تىڭ 10 جىلدىق قازىناشىلىق وبليگاتسيالارىنىڭ كىرىستىلىگى 2,884 پايىزعا جەتۋىنە بايلانىستى قىمباتتادى.
سوڭعى رەت التىن 11-ناۋرىزدا، ۋكرايناداعى سوعىس باستالعاننان كەيىن 2 اپتا وتكەن سوڭ 2000 دوللاردان اسقان بولاتىن.
قىمبات مەتالدار جونىندەگى ساراپشى فيليپ ستەيبلدىڭ ايتۋىنشا، بۇگىنگى التىننىڭ قۇبىلمالىلىعى بەلگىلى ءبىر دارەجەدە ەكونوميكالىق جانە ساياسي الاڭداۋشىلىق تۋدىرادى، ويتكەنى ۋكرايناعا بايلانىستى گەوساياسي سالدارلار ۋشىعىپ كەتۋى مۇمكىن.
ينۆەستورلار مۇنىڭ تۇبىندە رەتسەسسيا بولادى دەپ قاۋىپتەنەدى. سوڭعى رەت ا ق ش ەكونوميكاسى COVID-19 ىندەتى كەزىندە، 2020 -جىلدىڭ ناۋرىز- قىركۇيەك ارالىعىندا قۇلدىراعان بولاتىن. وسىلايشا، التىن ەڭ سەنىمدى اكتيۆ بولىپ وتىر.
اۆتور: اقبوپە ءابدراسۋل
