18:49, 18 - ءساۋىر 2022 | GMT +5
ەلوردادا ساموكات تەۋىپ كەلە جاتقان ءۇش جاسار بالانى كولىك قاعىپ كەتتى
نۇر- سۇلتان. قازاقپارات - ەلوردادا ساموكات تەۋىپ كەلە جاتقان ءۇش جاسار بالانى كولىك قاعىپ كەتتى، دەپ حابارلايدى قازاقپارات نۇر- سۇلتان قالاسىنىڭ پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«Mitsubishi « اۆتوكولىگىنىڭ جۇرگىزۋشىسى مىڭارال كوشەسىندەگى ءۇيدىڭ اۋلا اۋماعىمەن كەلە جاتىپ، سولعا بۇرىلار ساتتە ساموكاتپەن كەلە جاتقان 2019 -جىلى تۋعان بالانى قاعىپ كەتكەن. جول- كولىك وقيعاسى سالدارىنان ءبۇلدىرشىن دەنە جاراقاتىن الدى. قازىرگى ۋاقىتتا اتالعان فاكتى بويىنشا ءىستىڭ ءمان- جايىن انىقتاۋ جۇمىستارى جۇرگىزىلۋدە.
«بيىلعى جىلدىڭ باسىنان بەرى قالا اۋماعىندا كامەلەتكە تولماعانداردىڭ قاتىسۋىمەن 14 جول- كولىك وقيعاسى تىركەلگەن، مەرت بولعاندار جوق»، - دەلىنگەن حابارلامادا.
