قاراماعىنداعى قىزمەتكەردى بوپسالاعان پوليتسيا باسقارماسىنىڭ باستىعى سوتتالدى

قىزىلوردا. قازاقپارات - قىزىلوردادا قاراماعىنداعى قىزمەتكەرىنەن پارا سۇراعان قالالىق پوليتسيا باسقارماسىنىڭ بۇرىنعى باستىعى 7 جىل مەرزىمگە باس بوستاندىعىنان ايىرىلدى، دەپ حابارلايدى قازاقپارات ءتىلشىسى.
None
None

قىزىلوردا قالالىق پوليتسيا باسقارماسىنىڭ بۇرىنعى باستىعى ءوز پايداسى ءۇشىن سىبايلاس جەمقورلىق قىلمىسىنا بارعان. ول باسقارمانىڭ جەدەل ۋاكىلىنە قۋدالايتىنىن العا تارتىپ، ونى اقشا بەرۋگە ماجبۇرلەگەن. سوتتالۋشى قىلمىستىق پيعىلى اشكەرە بولىپ قالماۋ ماقساتىندا اعا جەدەل ۋاكىل قىزمەتىن اتقاراتىن ازاماتقا جەدەل ۋاكىلدەن اقشا اكەلىپ بەرۋدى سۇراعان.

اعا جەدەل ۋاكىل باسقارما باستىعىنىڭ قىلمىستىق پيعىلىنان بەيحابار بولعان. جەدەل ۋاكىلدىڭ وزگە امالى قالماعاندىقتان اعا جەدەل ۋاكىلدىڭ كارتوچكاسىنا 50 مىڭ تەڭگە اقشانى اۋدارعان. اعا جەدەل ۋاكىل ونى باسقارما باستىعىنا اۆتوكولىك ىشىندە قولما- قول بەرگەن.

«قىلمىستىق ءىس تولىقتاي دالەلدەندى. سوت ۇكىمىمەن سوتتالۋشى ق ر قىلمىستىق كودەكسىنىڭ 366-بابى 3-بولىگى 1-تارماعىمەن كىنالى دەپ تانىلدى. مەملەكەتتىك قىزمەتتە لاۋازىمداردى اتقارۋعا ءومىر بويىنا ايىرىلدى. وعان 7 جىل مەرزىمگە باس بوستاندىعىنان ايىرۋ جازاسى تاعايىندالدى»، - دەلىنگەن قىزىلوردا قالاسىنىڭ №2 سوتىنىڭ باسپا ءسوز قىزمەتى تاراتقان حابارلامادا.

ەسكە سالساق، قىزىلوردادا بيىل 22 قىلمىستى جاسىرۋ دەرەگى انىقتالدى.

اۆتور: ءادىلجان ۇمبەت


سوڭعى جاڭالىقتار