ەلگە كوشىپ كەلگەن قانداستار ءبىرىنشى كەزەكتە ج س ن راسىمدەۋى قاجەت

«وتانداستار قورى» كوممەرتسيالىق ەمەس اكسيونەرلىك قوعامى شەتەلدەگى ەتنيكالىق قازاقتاردان جانە ەلگە قونىس اۋدارعان قانداستار تاراپىنان ءجيى قويىلاتىن سۇراقتارعا جاۋاپ بەرەتىن بەينەروليكتەر توپتاماسىن دايىندادى. كەزەكتى شىعارىلىم ەلگە كەلگەندە ەڭ ءبىرىنشى راسىمدەلەتىن قۇجاتتارعا ارنالدى.
«قازاقستاندا تۇرۋعا نەمەسە قازاقستان ازاماتتىعىن الۋعا كەلگەن ەتنيكالىق قازاقتار ءبىرىنشى كەزەكتە جەكە سايكەستەندىرۋ ءنومىرىن (ج س ن) الۋى قاجەت. ج س ن - ون ەكى سيفردان تۇراتىن بىرەگەي كومبيناتسيا. ج س ن الۋ ارقىلى قازاقستانداعى ەكىنشى دەڭگەيلى بانكتەردەن شوت اشا الاسىز. ج س ن الۋ ءۇشىن تۇرعىلىقتى جەرىڭىز بويىنشا حالىققا قىزمەت كورسەتۋ ورتالىعىنا جۇگىنۋ كەرەك. ايتا كەتەيىك، جەكە باستى كۋالاندىراتىن قۇجاتتى قازاق نەمەسە ورىس تىلىنە اۋدارعان كەزدە اتى- ءجونىڭىزدىڭ دۇرىس جازىلعانىنا كوز جەتكىزىڭىز. سەبەبى ج س ن العاننان كەيىن راسىمدەلەتىن بۇكىل قۇجاتتاردا اتى- ءجونىڭىز باستاپقى اۋدارما بويىنشا جازىلادى» دەلىنگەن ۆيدەودا.