قازاقستان ۇلتتىق بانكى الاياقتاردان ساق بولۋعا شاقىرادى

نۇر- سۇلتان. قازاقپارات - قازاقستان ۇلتتىق بانكى الاياقتاردىڭ كوبەيگەنىن ەسكەرتەدى، دەپ حابارلايدى قازاقپارات.
None

ولار قانداي دا ءبىر الاياقتىق ارەكەت بويىنشا ءىستىڭ ءمان- جايىن انىقتاماق بولىپ، وزدەرىن قۇب قىزمەتكەرى رەتىندە تانىستىرۋ ارقىلى قازاقستاندىقتاردىڭ دەربەس دەرەكتەرىن الۋعا تىرىسادى. الاياقتار تەلەفون ارقىلى ءتۇرلى سىلتاۋ كەلتىرىپ، ازاماتتاردى دەربەس ءموبيلدى قۇرىلعىسىنا ەكىنشى دەڭگەيلى بانكتىڭ ءموبيلدى قوسىمشاسىن نەمەسە قاشىقتان باسقارۋعا ارنالعان سەرۆيستى ورناتۋعا ۇگىتتەيدى. سودان كەيىن قاسكويلەر سمارتفوندى قاشىقتان تولىق باسقارۋعا مۇمكىندىك الىپ، شوت اشادى، نەسيە راسىمدەيدى جانە اقشالاي ۇرلايدى.

اتاپ وتەتىن جايت، الاياق تەلەفون شالعاندا اڭگىمە اراسىندا دەربەس ءارى جابىق دەرەكتەردى (شوتتا ساقتاۋلى سومانى، SMSپەن CVV كودتاردى) بەرۋدى تالاپ ەتەدى. پايدالانۋشىنىڭ دەربەس دەرەكتەرىنە قاتىستى كەز كەلگەن اقپاراتقا قول جەتكىزۋ ءۇشىن قاسكويلەر نەشە ءتۇرلى قيتۇرقى ارەكەتتەرگە بارادى، سونىڭ ىشىندە جالعان قۇجاتتاردى ۇسىنۋعا دا بەيىم بولادى. ياعني ولار قۇب قىزمەتكەرىنىڭ جەكە باسىن راستايتىن قۇجاتتاردى، سونداي- اق قازاقستان رەسپۋبليكاسى ازاماتتارىنىڭ قاراجاتىمەن جاسالاتىن اقشالاي وپەراتسيالارعا ءتان حاتتاردى نەمەسە انىقتامالاردى قولدان جاسايدى.

الاياقتاردىڭ تۇپكى ماقساتى - قولعا تۇسىرگەن دەرەكتەر ارقىلى اقشا جىمقىرۋ جانە ازاماتتارعا اۋقىمدى ماتەريالدىق زالال كەلتىرۋ. ەسىڭىزدە بولسىن، قازاقستان ۇلتتىق بانكى:

- جەكە تۇلعانىڭ شوتىنا قىزمەت كورسەتپەيدى، جەكە تۇلعالارمەن اقشالاي ەسەپ ايىرىسۋلار مەن مامىلەلەر جاساسپايدى؛

- ق ر ازاماتىنىڭ شوتىنا قاتىستى قانداي دا ءبىر الاياقتىق ارەكەت، دەربەس دەرەكتەردىڭ جاريا ەتىلۋى جانە ەكىنشى دەڭگەيلى بانكتەردە نەسيە رەسىمدەۋ سەكىلدى ماسەلەلەر بويىنشا جەكە تۇلعالارعا قوڭىراۋ شالمايدى؛

- قۇب- تاعى شوتتار تەك قانا ۇلتتىق بانكتىڭ، ەكىنشى دەڭگەيلى بانكتەردىڭ جانە سانى شەكتەۋلى زاڭدى تۇلعالاردىڭ وپەراتسيالارىن ەسەپكە الۋ ءۇشىن اشىلۋى مۇمكىن. «ۇلتتىق بانكتىڭ» اتىنان كۇدىكتى حاتتار الساڭىز نەمەسە وسىعان ۇقساس قوڭىراۋ قابىلداساڭىز قۇقىق قورعاۋ ورگاندارىنا حابار بەرگەن ابزال.


سوڭعى جاڭالىقتار