اباي، ۇلىتاۋ جانە جەتىسۋ وبلىستارىنا جاڭا تۋريستىك باعىتتار اشىلادى

نۇر-سۇلتان. قازاقپارات - بيىل قۇرىلاتىن اباي، ۇلىتاۋ جانە جەتىسۋ وبلىستارىندا تۋريستىك باعىتتار بويىنشا جاڭاشىلدىق بولادى.
None
None

بۇل تۋرالى «Kazakh Tourism» ا ق ۇلتتىق كومپانياسىنىڭ باسقارما ءتوراعاسى تالعات امانبايەۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى قاسىم-جومارت توقايەۆت «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا ەلىمىزدە جاڭا ءۇش وبلىس پايدا بولاتىنىن ايتتى. بۇگىندە اباي، ۇلىتاۋ جانە جەتىسۋ وبلىستارىن قۇرۋ پروتسەسى قىزۋ ءجۇرىپ جاتىر. جاڭا وبلىستاردىڭ پايدا بولۋىنا بايلانىستى تۋريستىك باعىتتار بويىنشا جاڭاشىلدىق بولادى. وزدەرىڭىز بىلەتىندەي، اباي مەن ۇلىتاۋ وبلىستارى تاريحي- مادەني تۋريستىك نىساندارعا تولى. ال جەتىسۋ وبلىسىنىڭ تابيعاتى اسەم ەكەنى بەلگىلى. بۇل جەردە تۋريستەر ءۇشىن تارتىمدى بولاتىن جاسىلكولدى الۋعا بولادى»، - دەدى تالعات امانبايەۆ.

باسقارما ءتوراعاسىنىڭ ايتۋىنشا، بيىل دا ەلىمىزدەگى ءداستۇرلى كۋرورتتىق ايماقتار تۋريستەردىڭ سۇرانىسىنا يە.

ونىڭ قاتارىندا ماڭعىستاۋ، تۇركىستان، بۋراباي، الاكول جانە الماتى تاۋ كلاستەرى بار.

ەسكە سالا كەتسەك، مەملەكەت باسشىسى بيىلعى حالىققا جولداۋىندا سەمەي ايماعىندا اباي وبلىسىن قۇرۋدى ۇسىندى. سونداي-اق، جەزقازعان وبلىسىنىڭ اۋماعىندا ۇلىتاۋ وبلىسى قۇرىلاتىنى ايتىلدى. ودان بولەك، پرەزيدەنت جولداۋى بارىسىندا جەتىسۋ وبلىسىن قۇرۋدى دا ۇسىندى. كەيىن ۇلتتىق ەكونوميكا ءمينيسترى الىبەك قۋانتىروۆ اتالعان وبلىستاردى قۇرۋ بويىنشا جۇمىستىڭ باستالعانىن ايتتى.


سوڭعى جاڭالىقتار