11:35, 14 - ءساۋىر 2022 | GMT +6
ءتورت ەلدىڭ پرەزيدەنتتەرى كيەۆكە باردى
نۇر-سۇلتان. قازاقپارات - پولشا مەن بالتىق تەڭىزى جاعالاۋىنداعى لاتۆيا، ليتۆا، ەستونيا ەلدەرىنىڭ باسشىلارى كيەۆكە بارىپ ۋكراينا پرەزيدەنتىمەن كەزدەستى، دەپ حابارلايدى «حابار 24».
ساپار ۋكرايناعا قولداۋ كورسەتۋگە باعىتتالعان. كەزدەسۋ - بارىسىندا ءتورت ەلدىڭ باسشىسى پرەزيدەنت ۆلاديمير زەلەنسكيمەن بىرەر اپتا بۇرىن رەسەي اسكەرىنەن ازات ەتىلگەن كيەۆ وبلىسىنداعى بوروديانكا قالاسىن ارالادى.
كەزدەسۋ قورىتىندىسى بويىنشا تاراپتار ۋكرايناعا اسكەري كومەكتى ارتتىرىپ، رەسەيگە قارسى سانكسيالاردى كۇشەيتۋگە كەلىستى.
اندجەي دۋدا، پولشا پرەزيدەنتى: - XXI عاسىردا ايەلدەر مەن بالالاردى ءولتىرۋ، ۇيلەر مەن عيماراتتاردى اتقىلاۋ - ناعىز لاڭكەستىك ارەكەت. سوعىس ەرەجەلەرى مەن حالىقارالىق قۇقىقتى بۇزىپ، ءتارتىپتى اياققا تاپتاۋ.
ەگيلس ليەۆيتس، لاتۆيا پرەزيدەنتى:
- بۇل ساپار ۋكراينامەن قارىم-قاتىناسىمىزدىڭ تىعىز ەكەنىن كورسەتەدى. قازىرگىدەي قيىن جاعدايدا ۋكراينا دەموكراتيا ءۇشىن كۇرەسىپ جاتقان كەزدە كيەۆپەن بىرگە ەكەنىمىزدى بىلدىرەدى.
