قازاقستاننىڭ قىتاي مەن موڭعولياداعى ەلشىلەرى تاعايىندالدى

نۇر-سۇلتان. قازاقپارات - قازاقستاننىڭ ەكى ەلدەگى ەلشىسى تاعايىندالدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

مەملەكەت باسشىسىنىڭ جارلىقتارىمەن: عابيت بەيبىت ۇلى قويشىبايەۆ قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى لاۋازىمىنا تاعايىندالدى، ول قازاقستان رەسپۋبليكاسىنىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى؛

شاحرات شاكيزات ۇلى نۇرىشەۆ قازاقستان رەسپۋبليكاسىنىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.

وسىعان قاراي، مەملەكەت باسشىسىنىڭ جارلىعىمەن جالعاس جۇما ۇلى ادىلبايەۆ قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى لاۋازىمىنان بوساتىلدى.

شاحرات نۇرىشەۆ قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى.