ەجەلگى مىسىرلىقتار نەلىكتەن مىسىققا تابىنعان؟
ويتكەنى، ەجەلگى ەگيپەت ەگىنشىلىكپەن اينالىساتىن ەل بولعان. كەز كەلگەن اگرارلى ەلدەگى سياقتى مۇندا دا كەمىرگىشتەر ەگىنگە وراسان زيان كەلتىرەتىن. الدىمەن مىسىقتار كەمىرگىشتەر مەن جىلانداردىڭ كوزىن جويدى. كەيىنىرەك ەگەۋقۇيرىقتاردى دا اۋلاي باستادى. بۇل ادامداردى وبا جۇقتىرۋدان قۇتقاردى.
ءبىر قىزىعى، مىسىق قىمبات جانۋار بولعان جانە ونى تەك اۋقاتتى ادامدار ساتىپ العان. كەيىنىرەك مىسىقتاردىڭ تەز كوبەيۋىنىڭ ناتيجەسىندە كەدەيلەردىڭ ۇيىندە دە پايدا بولدى.
مىسىقتار ءاربىر ۇيدە قاسيەتتى جانۋارلار سانالدى. ولاردى ءدىني سەنىمگە ەنگىزە باستادى. ال ءاربىر قۇدايدىڭ بەينەسى تابيعي ورتامەن بايلانىستى بولادى. ولار كوبىنەسە جانۋارلاردىڭ بەينەسىمەن سۋرەتتەلەدى. ال مىسىق بولسا بالا ءسۇيۋ، جەمىستى كۇنگە جەتەلەيتىن اي قۇدايى باستانىڭ رەسمي بەينەسى بولعان. باسىندا كۇن قۇدايى (ەگيپەتتىكتەردىڭ باستى قۇدايى) رانىڭ ءسىڭلىسى بولادى. ونىڭ باسى مىسىقتىڭ، دەنەسى ادامنىڭ بەينەسى بولىپ سۋرەتتەلگەن ەكەن. وندايلاردى كونە زاماندا «حيمەرلەر» دەپ اتاعان.
وسىلايشا مىسىقتاردى ءدىن قورعادى. ەگەر مىسىق ولسە، ونىڭ دەنەسى مۋميالانىپ، كومىلگەن. قوجايىن 70 كۇن ازا تۇتاتىن. قايعىلى وقيعانىڭ بەلگىسى رەتىندە قاسىن قىرىپ تاستايتىن.
مىسىقتار ءۇشىن بولەك زيرات سالىنعان. ارحەولوگتار بەن-حاسان قالاسىنان مىسىقتاردىڭ زيراتىن تابادى. ول جەردە 180 مىڭنان استام مىسىقتىڭ جەرلەنگەنى ءمالىم بولادى. ماتاعا ورانعان (مۋميالاندىرىلعان) مىسىقتار باعالى تاستارمەن كومكەرىلگەن، التىن جانە كۇمىس ساعانالارعا جاتقىزىلعان ەكەن.
massaget.kz
