جاڭا وبلىستاردىڭ بيۋدجەتى مەن شەكاراسى ءبىر جارىم ايدا بەكىتىلەدى

None
None
نۇر-سۇلتان. قازاقپارات - جاڭا وبلىستاردى بولۋگە قاتىستى شەشىم ءبىر جارىم ايدا قابىلدانادى.

بۇل تۋرالى ق ر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.

«قازىرگى كەزدە وبلىستاردىڭ بيۋدجەتتەرىن ءبولۋ مەن شەكارالاردى ايقىنداۋ جۇمىستارى ءجۇرىپ جاتىر. جاقىندا عانا شىعىس قازاقستان وبلىسىنىڭ ءبولىنۋىنىڭ ءمان- جايى بۇقارالىق اقپارات قۇرالدارىندا جاريالانعان بولاتىن. جاڭا وبلىستار بويىنشا جۇمىسپەن ۇكىمەتتىڭ ەكونوميكالىق بلوگى اينالىسىپ جاتىر. مەنىڭ ويىمشا، جاقىندا 1-1,5 ايدا شەشىم قابىلدانادى»، - دەدى ق. مۋسين سەناتتا تىلشىلەر ساۋالىنا جاۋاپ بەرە وتىرىپ.

ايتا كەتەيىك، پرەزيدەنتتىڭ بيىلعى جولداۋىندا سەمەي ايماعىندا اباي وبلىسى قۇرىلاتىنى ايتىلدى. سەمەي قالاسى جاڭا وبلىستىڭ ورتالىعى بولادى. بۇدان بولەك، بۇرىنعى جەزقازعان وبلىسىنىڭ اۋماعىندا ۇلىتاۋ وبلىسىن قۇرۋ قاجەت ەكەنى ايتىلدى. مەملەكەت باسشىسى الماتى وبلىسىن ەكىگە ءبولۋدى ۇسىندى.

«بۇل وڭىردە جەتىسۋ جانە الماتى وبلىستارى قۇرىلادى. الماتى وبلىسىنىڭ ورتالىعى قاپشاعايدا بولۋى كەرەك. ال، جەتىسۋ وبلىسىنىڭ ورتالىعى تالدىقورعاندا ورنالاسادى. بۇل قادامدار ايماقتاردى دامىتۋ ىسىنە تىڭ سەرپىن بەرەدى دەپ سانايمىن»، - دەپ ءتۇسىندىردى قاسىم-جومارت توقايەۆ. جاقىندا شىعىس قازاقستان مەن اباي وڭىرلەرىنىڭ قالاي بولىنەتىنى وسكەمەندە وتكەن وبلىستىق ءماسليحاتتىڭ كەزەكتەن تىس XIV سەسسياسىندا ايتىلدى.

سوڭعى جاڭالىقتار