ۋكرايناداعى احۋال: ب ۇ ۇ قاۋىپسىزدىك كەڭەسىنىڭ وتىرىسى ءوتتى

None
None
نۇر-سۇلتان.قازاقپارات - ا ق ش- تا وتكەن ۋكرايناداعى احۋالعا بايلانىستى ب ۇ ۇ- نىڭ قاۋىپسىزدىك كەڭەسىنىڭ وتىرىسىنا ۆلاديمير زەلەنسكي ونلاين قاتىستى، دەپ حابارلايدى «حابار 24».

ۇيىمنىڭ قاۋىپسىزدىك كەڭەسىنە العاش رەت ۆيدەوۇندەۋ جولداعان زەلەنسكي رەسەيدى ءوز ارەكەتى ءۇشىن قاتاڭ جاۋاپقا تارتىپ، ب ۇ ۇ- مىن رەفورمالاۋدى ۇسىندى.

ۆلاديمير زەلەنسكي، ۋكراينا پرەزيدەنتى:

- ب ۇ ۇ كەپىل بەرگەن قاۋىپسىزدىك قايدا؟ ۇيىم بەيبىت ءومىردى قامتاماسىز ەتۋ ءۇشىن قۇرىلعان جوق پا؟ باسقىنشىلاردى بەيبىتشىلىككە شاقىرۋ - بەكەر ءىس. بۇلاي جالعاسا بەرسە، ءار مەملەكەت ءوز قاۋىپسىزدىگىن ساقتاۋ ءۇشىن حالىقارالىق قۇقىق پەن ينستيتۋتتارعا ەمەس، قارۋىنا عانا سەنەتىن بولادى. قازىر بىزگە ۇيىمنىڭ ناقتى جانە نىق قادامى قاجەت. ب ۇ ۇ- نىڭ رەسەيدى ءوز قۇرامىنان شىعارعانى ءجون، نە بولماسا بۇل ۇيىم تارقاۋى كەرەك. بۇگىندە ۋكراينادا رەسەي تاراپىنان ەكىنشى دۇنيەجۇزىلىك سوعىستان كەيىن بولماعان اسكەري قىلمىستار جاسالىپ جاتىر.

كەزدەسۋدە زەلەنسكي رەسەي تاراپىنا قاتىستى بىرنەشە ايىپ تاعىپ، بۇل ءۇشىن ماسكەۋدى قاتاڭ جازالاۋ كەرەكتىگىن العا تارتتى. بۇعان رەسەيدىڭ ب ۇ ۇ- داعى ەلشىسى ۆاسيلي نەبەنزيا بۇل ايىپتاردى جوققا شىعارىپ، بۋچا قالاسىنداعى قاتىگەزدىككە ماسكەۋدىڭ قاتىسى بارىنا ەش دالەل جوق ەكەنىن ايتتى.

ۆاسيلي نەبەنزيا، رەسەيدىڭ ب ۇ ۇ- داعى ەلشىسى:

- باتىس ەلدەرى رەسەيگە قارسى ارانداتۋشىلىق ارەكەتتى مىقتاپ قولعا العاندارىن ءبىز جاقسى ءتۇسىنىپ وتىرمىز. الداعى ۋاقىتتا رەسەي اسكەرىنىڭ بەدەلىن ءتۇسىرىپ، ولاردى ادام ءولتىرۋشى، جابىرلەۋشى رەتىندە كورسەتۋ ءۇشىن ءتۇرلى ارەكەتتەر ءالى دە ورىن الاتىن كورىنەدى. بۇعان بۋچاداعى وقيعا دالەل. قازىر زاماناۋي تەحنولوگيانىڭ كومەگىمەن كەز كەلگەن ۆيدەو جاساپ شىعارۋعا بولاتىنىن بىلەمىز.


www.24.kz

سوڭعى جاڭالىقتار