جەكە سوت ورىنداۋشىلارىنا قوسىمشا وكىلەتتىك بەرىلمەك
بۇل تۋرالى بۇگىن ماجىلىستەگى ۇكىمەت ساعاتىندا ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.
«بۇگىندە اليمەنت تولەۋشىنى اكىمشىلىك جاۋاپكەرشىلىككە تارتۋ ءۇشىن وعان حاتتاما تولتىرۋ قاجەت. جەكە سوت ورىنداۋشىسىندا مۇنداي قۇقىق جوق. بۇل ءۇشىن ول بورىشكەردى ادىلەت ورگاندارىنا الىپ كەلىپ، ول جەردە ادىلەت ورگاندارىنىڭ لاۋزىمدى تۇلعاسى ءتيىستى اكىمشىلىك حاتتاما تولتىرادى. بۇل رەتتە بورىشكەر بارعىسى كەلمەسە، وندا ونى پوليتسيا عانا ماجبۇرلەپ اپارا الادى»، - دەدى مينيستر.
ونىڭ اتاپ وتۋىنشە، وسى جايتقا بايلانىستى بورىشكەر ادامدى جاۋاپكەرشىلىككە تارتۋ ۇزاق ۋاقىتتى الىپ جاتادى.
«ەگەر زاڭنامادا جەكە سوت ورىنداۋشىسىنا اكىمشىلىك حاتتاما تولتىرۋ قۇقىعى بەرىلەتىن بولسا، وندا بۇل زاڭ بۇزۋشىلار سانىن ەسەلەپ قىسقارتىپ، ولاردى تەز جازالاۋعا سەپتىگىن تيگىزەر ەدى. سول ارقىلى بورىشتى وتەۋگە مۇمكىندىك بەرەدى. قازىرگى ۋاقىتتا اتقارۋشىلىق ءوندىرىس تۋرالى جاڭا زاڭ تۇجىرىمداماسىن ازىرلەپ جاتىرمىز. وندا سوت ورىنداۋشىلارىنا ءدال وسىنداي وكىلەتتىك ەنگىزەمىز. ويتكەنى، بۇل - پروبلەمانى شەشۋدىڭ ءتيىمدى قۇرالدارىنىڭ ءبىرى. تولىقتاي العاندا، وبلىس اكىمدىكتەرىمەن مەموراندۋم جاسالىپ، بوس جۇمىس ورىندارى جارمەڭكەسى تۇراقتى وتكىزىلەدى. ولارعا جۇمىسى جوق بورىشكەرلەردىڭ كەلۋىن قامتاماسىز ەتۋگە تىرىسامىز. وتكەن جىلى اليەنت بويىنشا بەرەشەگى 2,5 مىڭ بورىشكەردى جۇمىسقا ورنالاستىردىق. ءتىپتى الەۋمەتتىك جۇمىستار وتكىزۋگە دە تىرىسامىز»، - دەدى قانات مۋسين.
