قاسىم- جومارت توقايەۆ حالىق ءارتىسى يۋري پومەرانتسيەۆتىڭ جاقىندارىنا كوڭىل ايتتى

None
None
نۇر- سۇلتان. قازاقپارات - پرەزيدەنت قاسىم- جومارت توقايەۆ حالىق ءارتىسى يۋري پومەرانتسيەۆتىڭ تۋىستارى مەن جاقىندارىنا كوڭىل ايتتى، دەپ حابارلايدى قازاقپارات.

بۇل جايىندا پرەزيدەنتتىڭ باسپا ءسوز حاتشىسى بەرىك ءۋالي ءمالىم ەتتى.

مەملەكەت باسشىسى قازاقستاننىڭ ەڭبەك ەرى، حالىق ءارتيسى يۋري پومەرانتسيەۆتىڭ قايتىس بولۋىنا بايلانىستى ونىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى.

«ەرەكشە تالانتتى اكتەر، كورەرمەننىڭ كوزايىمى بولعان تۇلعا يۋري بوريسوۆيچ قازاق تەاترى مەن كينوسىنىڭ دامۋىنا ولشەۋسىز ۇلەس قوستى. ول بىزگە تەرەڭ ماعىنالى، شىنايى سەزىمگە تولى ەرەكشە تۋىندىلاردىڭ تۇتاس شوعىرىن سىيلادى. يۋري پومەرانتسيەۆتىڭ ءومىرى مەن شىعارماشىلىق جولى — ونەرگە دەگەن ادالدىق پەن رياسىز قىزمەتتىڭ، پاتريوتيزمنىڭ، پاراساتتىلىق پەن جومارتتىقتىڭ ۇلگىسى. يۋري بوريسوۆيچ حالىقتىڭ سۇيىسپەنشىلىگى مەن قۇرمەتىنە بولەنگەن تۇلعا. ول جاس ۇرپاقتىڭ دانا تالىمگەرى بولدى»، — دەلىنگەن جەدەلحاتتا.

ەسكە سالا كەتەيىك، كەشە مەملەكەتتىك سىيلىقتىڭ لاۋرەاتى، قازاقستاننىڭ ەڭبەك ەرى يۋري پومەرانتسيەۆ 100 جاسقا قاراعان شاعىندا دۇنيەدەن وزدى.

سوڭعى جاڭالىقتار