رۋمىنيادا قازاقستاندىق كينو كۇندەرى ءوتتى
اتاپ ايتقاندا، «توميريس» جانە «دوروگا دوموي» فيلمدەرى كورسەتىلدى.
قازاقستاندىق كينەماتوگرافتىڭ تانىمال جۇمىستارى جوعارى باعالانىپ، رۋمىن جۇرتشىلىعىنىڭ ۇلكەن قىزىعۋشىلىعىن تۋدىردى. ءىس-شارانىڭ اشىلۋىندا بىرنەشە جىل ىشىندە ۇلكەن سەرپىلىس جاسالعان مادەني بايلانىستاردى تەرەڭدەتۋدىڭ ماڭىزدىلىعى اتاپ ءوتىلدى.
2020-2021-جىلدار ارالىعىندا قازاقستان مەن رۋمىنيا ەكى مەملەكەتتىڭ ەلوردالارىندا «قازاقستان» جانە «بۋحارەست» سكۆەرلەرىن، قازاق اقىنى اباي جانە رۋمىن اقىنى ەمينەسكۋ بيۋستتەرىن اشۋ، سونداي-اق رۋمىنيانىڭ ءتۇرلى وڭىرلەرىندە مادەنيەت كۇندەرىن وتكىزۋ سياقتى ءبىرقاتار ماڭىزدى جوبالاردى ىسكە اسىردى.
سونىمەن قاتار، رۋمىن كورەرمەندەرىنىڭ نازارىنا قازاقستاننىڭ تابيعاتى مەن ەلوردامىزدىڭ ساۋلەتتىك قۇرىلىسىنا ارنالعان 20 كارتينادان تۇراتىن فوتوكورمە ۇسىنىلدى.