سەردار بەردىمۇحامەدوۆ تۇرىكمەنستان پرەزيدەنتى قىزمەتىنە كىرىستى
دەپ حابارلايدى قازاقپارات «تۇرىكمەنستان بۇگىن» مەملەكەتتىك اقپارات اگەنتتىگىنە سىلتەمە جاساپ.
سالتاناتتى ءراسىم رۋحىەت سارايىندا ءوتتى. شاراعا ەل پارلامەنتىنىڭ قوس پالاتاسىنىڭ دەپۋتاتتارى، ۇكىمەت مۇشەلەرى، اسكەري جانە قۇقىق قورعاۋ ۆەدومستۆولارىنىڭ، ورتالىق سايلاۋ كوميسسياسى مەن قوعام وكىلدەرى جانە وزگە دە شاقىرىلعاندار قاتىستى.
ايتا كەتەيىك، تۇرىكمەنستاندا كەزەكتەن تىس پرەزيدەنت سايلاۋى 12 - ناۋرىز كۇنى ءوتتى. سايلاۋعا 3 ساياسي پارتيا مەن 6 باستاماشى توپتان 9 كانديدات قاتىستى.
ورتالىق سايلاۋ كوميسسياسىنىڭ مالىمەتتەرى بويىنشا، ەل پرەزيدەنتى لاۋازىمىنا سايلاۋشىلاردىڭ % 72,97 پايىز داۋسىن العان تۇرىكمەنستان پرەمەر- ءمينيسترىنىڭ ورىنباسارى سەردار بەردىمۇحامەدوۆ سايلاندى. سەردار بەردىمۇحامەدوۆ ءوزىنىڭ پرەزيدەنتتىك لاۋازىمىن ءوز ەركىمەن تاپسىرعان ەلدىڭ بۇرىنعى پرەزيدەنتى گۋربانگۋلى بەردىمۇحامەدوۆتىڭ بالاسى.
اۆتور: ايدار وسپاناليەۆ
