اپپەلياتسيا سوتى ەلجان ءبىرتانوۆتىڭ ءىسى بويىنشا شەشىم شىعاردى

نۇر- سۇلتان. قازاقپارات - نۇر- سۇلتان قالاسىنىڭ اپەللياتسيالىق سوتى باس پروكۋراتۋرانىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءىسىن پروكۋراتۋراعا كەرى قايتارۋ تۋرالى شاعىمى بويىنشا شەشىم شىعاردى، دەپ حابارلايدى قازاقپارات ءتىلشىسى.

ەلجان ءبىرتانوۆتىڭ ءىسىن پروكۋراتۋراعا كەرى قايتارۋ تۋرالى سوت شەشىمى وزگەرىسسىز قالاتىن بولدى.

«سوت القاسى قاۋلى ەتەدى. نۇر- سۇلتان قالاسى سارى ارقا اۋدانىنىڭ №2 اۋداندىق سوتىنىڭ 28 -قاڭتارداعى ەلجان ءبىرتانوۆ پەن ولجاس ابىشيەۆكە قاتىستى ءىستى بويىنشا پروكۋراتۋراعا كەرى قايتارۋ تۋرالى قاۋلىسى قىلمىستىق- پروتسەسسۋالدىق كودەكستىڭ 329-بابىنداعى تارتىپكە سايكەس وزگەرىسسىز قالسىن»، - دەدى سۋديا.

ەسكە سالساق، سوت وتىرىسى كەشە، 17 - قاڭتاردا باستالعان بولاتىن. پروكۋرور جانگەلدى ەسەبايەۆتىڭ سوزىنشە، ءىستى كەرى قايتارۋ تۋرالى شەشىم قازاقستان جوعارعى سوتىنىڭ نورماتيۆتىك قاۋلىلارىنا قايشى بولعان. ال قورعاۋشى تاراپ بۇكىل تەرگەۋدىڭ بارىسىندا ايتارلىقتاي زاڭبۇزۋشىلىقتار بولعانىن ءمالىم ەتتى.

ونىڭ ىشىندە ساراپتاۋ وندىرىسىندە، قارجى جىمقىرۋ بابىن قىزمەتىن اسىرا پايدالانۋ بابىنا اۋىستىرۋ كەزىندە، سوتقا دەيىنگى تەرگەۋدىڭ تىزبەسىنە تىركەۋ كەزىندە، قىلمىستىق ءىس ماتەريالدارىمەن تانىستىرۋ كەزەڭىندە، ەلجان ءبىرتانوۆتىڭ بۇرىنعى كومەكشىسى ولجاس ابىشيەۆكە قاتىستى دا ايىپتاۋ اكتىسىن تانىستىرعان كەزدە جانە ءىستى سوتقا وتكىزۋ كەزىندە زاڭ بۇزىلعان.

اۆتور: ەسىمجان ناقتىباي