سەناتورلار ەرتەڭنەن باستاپ وڭىرلەرگە بارىپ، حالىقتىڭ تالاپ-تىلەكتەرىن تىڭداۋدى باستايدى

None
نۇر-سۇلتان. قازاقپارات - سەنات ءتوراعاسى ماۋلەن اشىمبايەۆ پالاتا دەپۋتاتتارى وڭىرلەرگە ساپارلاعان كەزدە قانداي ماسەلەگە دەن قويۋ كەرەك ەكەنىن ايتتى، دەپ حابارلايدى قازاقپارات ءتىلشىسى.

«سەناتورلار ەرتەڭنەن باستاپ وڭىرلەرگە بارىپ، حالىقپەن كەزدەسىپ، ازاماتتاردىڭ تالاپ- تىلەكتەرىن تىڭدايدى. سول كەزدە جولداۋدا ايتىلعان باسىمدىقتاردىڭ جانە قابىلداناتىن زاڭداردىڭ ماڭىزىن، ولاردىڭ ناقتى پايداسىن ازاماتتارعا تولىققاندى جەتكىزەسىزدەر دەپ ويلامىن. ساپار بارىسىندا وڭىرلەردەگى وزەكتى ماسەلەلەرگە باسا ءمان بەرىپ، ەلدىڭ پىكىرى مەن ۇسىنىستارىنا باسا نازار اۋدارعا ابزال. ەڭ باستىسى، ازماتتار ءوز سوزدەرىنىڭ بيلىككە جەتىپ جاتقانىن، جاڭا جولداۋ سونىڭ جارقىن كورىنىسى ەكەنىن سەزىنۋى كەرەك. الداعى ساپارلارىڭىزدا سىزدەرگە ساتتىلىك تىلەيمىن»، - م. اشىمبايەۆ سەناتتىڭ جالپى وتىرىسىندا.

بۇدان بۇرىن حابارلانعانداي، سەنات ءتوراعاسى پرەزيدەنت جولداۋى اياسىندا پارلامەنتكە ۇلكەن مىندەت پەن جاۋاپكەرشىلىك جۇكتەلىپ وتىرعانىن ايتتى.

«پرەزيدەنتىمىز زاڭداردىڭ قابىلدانۋ تارتىبىنە قاتىستى دا تىڭ نورمالار ۇسىندى. ولار ەلىمىزدىڭ قازىرگى دامۋىنداعى ۇردىستەر مەن تالاپتارعا تولىعىمەن ساي كەلەدى. مۇنىڭ ءبارى - ەڭ جوعارعى وكىلدى ورگان جۇمىسىنىڭ تيىمدىلىگىن ارتتىرۋ ءۇشىن جاسالىپ وتىرعان قادامدار. وسىلايشا، مەملەكەت باسشىسى پارلامەنتتىڭ، ونىڭ ىشىندە سەناتتىڭ جۇمىسىنا قاتىستى قوعامداعى ءتۇرلى پىكىرتالاسقا ءبىرجولا نۇكتە قويدى . پارلامەنتتىڭ رەسپۋبليكالىق بيۋدجەتتىڭ ساپالى ورىندالۋىنا باقىلاۋدى كۇشەيتۋ ماسەلەسى دە نازاردان تىس قالعان جوق»، - دەدى م. اشىمبايەۆ.

سوڭعى جاڭالىقتار