ەلوردادا ايەلدەر كاسىپكەرلىگىن دامىتۋ ورتالىعى اشىلدى
نۇر- سۇلتان قالاسى كاسىپكەرلەر پالاتاسىنا قاراستى ىسكەر ايەلدەر كەڭەسىنىڭ ءتورايىمى باعيلا بيسەمبايەۆا مەن ىسكەر ايەلدەر قاۋىمداستىعىنىڭ باسقارما مۇشەسى ءسانيا ىرساليەۆا جاڭا ورتالىقتىڭ لەنتاسىن قيدى، دەپ حابارلايدى قازاقپارات.
اشىلۋ سالتاناتىنا نۇر- سۇلتان و ك پ وڭىرلىك كەڭەسىنىڭ ءتوراعاسى بولات وماروۆ جانە «باستاۋ بيزنەس» جوباسىنىڭ تۇلەكتەرى قاتىستى. شارا بارىسىندا باستاۋلىقتار ءوز ونىمدەرىنىڭ شاعىن كورمەسىن ۇيىمداستىردى. ايتا كەتەر بولساق، قازاقستاننىڭ 14 وڭىرىندە ۇلتتىق ەكونوميكا مينيسترلىگىنىڭ «ىنتىماقتاستىق قورى»، ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا جانە «اتامەكەن» ۇ ك پ سەرىكتەستىگى اياسىندا 14 ايەلدەر كاسىپكەرلىگىن دامىتۋ ورتالىعى اشىلدى.
باستاما ازيا دامۋ بانكىنىڭ قاراجاتى ەسەبىنەن قارجىلاندىرىلادى جانە ونى قازاقستانداعى ب ۇ ۇ دامۋ باعدارلاماسى جۇزەگە اسىرادى. مۇنداي ورتالىقتاردى قۇرۋ قازاقستان رەسپۋبليكاسىنىڭ وتباسىلىق جانە گەندەرلىك ساياسات تۇجىرىمداماسىنا نەگىزدەلگەن. ايەلدەر كاسىپكەرلىگىن دامىتۋ ورتالىعى - ايەلدەردى قارجىلاي ەمەس قولداۋ الاڭىنا اينالۋعا ءتيىس، وندا ولار ستارتاپتاردى ىسكە قوسۋ، جۇمىس ىستەپ تۇرعان بيزنەستى ودان ءارى كەڭەيتۋ جانە دامىتۋ ءۇشىن ءبىرقاتار قىزمەتتەر الا الادى، سونداي- اق وقىتۋ باعدارلامالارى مەن نەتۆوركينگ- ءىس- شارالارعا قاتىسا الادى.
«كاسىپكەرلەر پالاتاسى جانىنان كاسىپكەرلەرگە قىزمەت كورسەتۋ ورتالىعى جۇمىس ىستەيتىنى بارشاڭىزعا بەلگىلى. وندا بيزنەستى جۇرگىزۋگە قاجەتتى سەرۆيستىك قولداۋدى الۋعا بولادى. 2021 -جىلدىڭ قورىتىندىسى بويىنشا ورتالىق ماماندارى 9500 دەن استام ادامعا، ونىڭ ىشىندە 5847 ايەلگە قىزمەت كورسەتتى. بۇل شامامەن جالپى كولەمىنىڭ %60 ىن قۇرايدى. وسى جىلدىڭ 2 ايىندا 1270 كاسىپكەر كەڭەس الدى، ولاردىڭ %50 دان استامى ايەلدەر، ياعني شامامەن 800 ادام. وسىلايشا ءبىز ايەلدەردىڭ كاسىپكەرلىكتە بەلسەندى ەكەنىن كورىپ وتىرمىز. ايەلدەردى قولداۋ ورتالىعى وسى جىل ىشىندە قىزمەت كورسەتۋدەن باسقا، قىز- كەلىنشەكتەرگە قاجەتتى قولداۋ شارالارىن ودان ءارى پىسىقتاۋ ءۇشىن ايەلدەر كاسىپكەرلىگىن دامىتۋ سالاسىنداعى قاجەتتىلىكتى تالداۋ، سونداي- اق ايەلدەر بيزنەسىن دامىتۋعا كەدەرگى كەلتىرەتىن پروبلەمالاردى انىقتاۋمەن اينالىساتىنىن حابارلاۋعا قۋانىشتىمىز»، - دەپ اتاپ ءوتتى نۇر- سۇلتان قالاسى كاسىپكەرلەر پالاتاسى ديرەكتورىنىڭ م. ا. بەيسەن جولبولديەۆ.
وڭىرلىك پالاتا باسشىسى قازىرگى كەزدە استانادا جۇمىس ىستەپ تۇرعان 163 مىڭ كاسىپكەرلىك قىزمەت سۋبەكتىنىڭ %47 ىن نەمەسە 77 مىڭنان استامىن ايەلدەر باسقاراتىنىن ايتتى.
