ءار بومبا رەسەيدى الەمنەن الىستاتادى - گەرمانيا كانسلەرى

None
None
نۇر- سۇلتان. قازاقپارات - «ۋكراينا اۋماعىنا تۇسكەن ءار بومبا رەسەيدى حالىقارالىق قاۋىمداستىقتان الىستاتادى».

انكاراعا كەلىپ، تۇركيا پرەزيدەنتى رەجەپ تايىپ ەردوعانمەن كەزدەسكەن گەرمانيا كانسلەرى وسىلاي دەدى. بۇل ونىڭ جەلتوقساندا سايلانعاننان كەيىن تۇرىك ەلىنە جاساعان العاشقى رەسمي ساپارى، دەپ حابارلايدى «حابار 24».

ولاف شولتس، گەرمانيا كانسلەرى:

- سوندىقتان ءبىزدىڭ رەسەي پرەزيدەنتىنە قوياتىن ورتاق تالابىمىز - بومبالاۋدى توقتات! بۇل قاقتىعىستى تەك قانا ديپلوماتيالىق جولمەن شەشۋ قاجەت. وسى تۇرعىدا ۋكراينا مەن رەسەي اراسىنداعى كەلىسسوزدەر وتە ماڭىزدى. ۋكراينانىڭ ەگەمەندىگىنە جاسالعان شابۋىل - ەۋروپاداعى ادىلدىك پەن بەيبىتشىلىككە جاسالعان شابۋىل.

ەردوعان رەسەيدەن بولاشاقتا قارۋ- جاراق ساتىپ الۋ ماسەلەسىن قاراستىراتىنىن مالىمدەدى. رەسەيدىڭ «س-400» زىمىرانعا قارسى قوندىرعىلارىن ساتىپ الۋ تۋرالى كەلىسىم 2020 -جىلى جاسالعان بولاتىن. ءبىراق تۇركيا باسشىسى ۋكرايناداعى جاعدايعا قاراۋ كەرەكتىگىن ەسكەرتتى.

رەجەپ تايىپ ەردوعان، تۇركيا پرەزيدەنتى:

- رەسەيدەن قارۋ ساتىپ الۋ ماسەلەسى تۋرالى بىردەڭە دەپ ايتۋ ازىرگە ەرتەلەۋ. مۇنى بولاشاق كورسەتەدى. قانداي شارتتار قويىلاتىنىن قاراستىرۋىمىز كەرەك. ءبىز زەلەنسكي مىرزامەن دە، پۋتين مىرزامەن دە دوستىق قارىم- قاتىناستامىز. سانكسيالارعا قاتىستى بىرىككەن ۇلتتار ۇيىمىنىڭ اياسىندا ارەكەت ەتىپ كوردىك. ءارى رەسەيگە قاراماستان ۋكرايناعا قولداۋ بىلدىردىك. بۇل تۇرعىدا ناتو- عا مۇشە باسقا ەلدەر قالىس قالدى.


سوڭعى جاڭالىقتار