ەلوردادا قانشا ۇيگە گاز تارتىلعان
بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۋھار جولداسوۆ ايتتى، دەپ حابارلايدى قازاقپارات ءتىلشىسى. ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا كوميتەت ءتوراعاسى 2024 -جىلعا دەيىن نۇر-سۇلتان قالاسىن 100 پايىز گازداندىرۋ جوسپارلانىپ وتىرعاندىعىن اتاپ ءوتتى. ونىڭ دەرەگىنشە، قازىرگى ۋاقىتتا ەلوردادا 30 مىڭ جەكە تۇرعىن ءۇيدىڭ 14 مىڭىنا گاز قولجەتىمدى بولسا، شامامەن 4 مىڭ ۇيگە گاز كەلىپ تۇر. قالانى گازداندىرۋدىڭ كەشەندى جوسپارى دا بەكىتىلگەن.
«مەنىڭشە، جەكە تۇرعىن ءۇي سەكتورىن گازعا كوشىرۋدەگى ايتارلىقتاي پروبلەما شەشىلەتىن بولادى»، - دەدى ول.
زۇلفۋھار جولداسوۆتىڭ دەرەگىنشە، قالاداعى ەكى جىلۋ ەلەكتر ستانساسىنىڭ سۋ جىلىتانى قازاندىقتارى گازعا كوشىرىلگەن. بۇل شىعارىندىلاردى جىلىنا 20 مىڭ تونناعا ازايتۋعا مۇمكىندىك بەردى. سونىمەن قاتار ول الماتىنىڭ ەكولوگياسىن جاقسارتۋ ءۇشىن قالاداعى جىلۋ ەلەكتر ستانساسىنىڭ 2025 -جىلدىڭ سوڭىنا دەيىن گازعا كوشىرۋ جوسپارلانىپ وتىرعاندىعىن اتاپ ءوتتى. ستانسا جاڭعىرتىلعاننان كەيىن شىعارىندىلار كولەمى 37 مىڭنان 6 مىڭتونناعا دەيىن ازايادى.
