كولىك سالىعى: قاشان جانە قانشا تولەۋ كەرەك

نۇر- سۇلتان. قازاقپارات - مەملەكەتتىك كىرىستەر كوميتەتى 2021 -جىلعا جەكە تۇلعالاردىڭ كولىك قۇرالدارىنا سالىناتىن سالىقتى 2022 -جىلعى ءساۋىردىڭ بىرىنەن كەشىكتىرمەي تولەۋ كەرەك ەكەندىگىن ەسكە سالادى، دەپ حابارلايدى قازاقپارات.

كولىك قۇرالدارىنا سالىناتىن سالىقتىڭ سوماسىن kgd.gov.kz web-پورتالىندا جانە «e-Salyq Azamat» موبيلدى قوسىمشاسىندا ورنالىستىرىلعان سالىق كالكۋلياتورىنىڭ كومەگىمەن دەربەس ەسەپتەۋگە بولادى. سونىمەن بىرگە، 2022 -جىلدىڭ 15- ناۋرىزىنان كەيىن سالىق ورگاندارى ەسەپتەلگەن كولىك قۇرالدارىنا سالىناتىن سالىق سوماسى «كاسپيي بانك» ا ق جانە «حالىق بانك» اق موبيلدى قوسىمشالارىن پايدالانۋشىلارعا PUSH- حابارلاما تۇرىندە جىبەرىلەتىن بولادى. بۇدان باسقا، بۇل اقپارات kgd.gov.kz web-پورتالدا «جەكە تۇلعالار ءۇشىن الداعى تولەمدەر» سەرۆيسىندە،

سونداي- اق «e-Salyq Azamat» جانە ەكىنشى دەڭگەيدەگى بانكتەر «كاسپي بانك» ا ق جانە «حالىق بانك» اق قوسىمشالارىندا جاريالانادى.