عالىمدار قارتايۋ پروتسەسىن باياۋلاتۋدىڭ جولىن تاپتى
تاجىريبە بارىسىندا عالىمدار ياماناكا فاكتورلارىنىڭ ءارتۇرلى جاستاعى تىشقاندارعا اسەرىن قاداعالادى. سۋبەكتىلەردىڭ ءبىرىنشى توبىنا 15 ايدان 22 ايعا دەيىن (ادامدارداعى 50 جانە 70 جاس) ياماناكا فاكتورلارىمەن جۇيەلى تۇردە دوزالانعان تىشقاندار كىردى، ەكىنشى توپتا پروتسەدۋرالار 12 ايدان 22 ايعا دەيىنگى (35-70 جاس) تىشقاندارعا ورىندالدى. تىشقانداردىڭ ءۇشىنشى توبى ەكسپەريمەنتكە بار بولعانى ءبىر اي قاتىستى، ال كەمىرگىشتەردىڭ جاسى 25 اي (ادام جاسىمەن سالىستىرعاندا - 80 جاس) بولدى.
زەرتتەۋ ناتيجەلەرى Nature Aging جۋرنالىندا جاريالاندى. ولاردىڭ ايتۋىنشا، ەكسپەريمەنتكە ۇزاعىراق قاتىسقان تىشقانداردا جاسۋشالاردىڭ قارتايۋ پروتسەسى كەرى وزگەردى، بۇل رەتتە پاتولوگيالار بايقالماعان. مۇنداي تىشقانداردىڭ دەنەسىندە كوللاگەن از شىعارىلا باستاعان. بۇل جاس كەمىرگىشتەرگە ءتان جارالارىنىڭ تەز جازىلۋىنا ىقپال ەتكەن.
عالىمدار بولاشاقتا بۇل تاجىريبە ادام جاسۋشالارىنىڭ قارتايۋىن «قايتا باعدارلامالاي الادى»، بۇل جۇرەك- قان تامىرلارى اۋرۋلارى مەن قاتەرلى ىسىك اۋرۋلارىنىڭ دامۋ قاۋپىن ازايتادى دەپ بولجاپ وتىر. قارتايۋدىڭ باسەڭدەتۋ ءۇشىن، ولاردىڭ پىكىرىنشە، 7 ايدان 10 ايعا دەيىن قاجەت بولۋى مۇمكىن.
