ب ۇ ۇ دامۋ باعدارلاماسى ىلە- بالقاشىن قالپىنا كەلتىرۋگە كومەكتەسەدى
بۇل باستاما جابايى تابيعاتتى قالپىنا كەلتىرۋ مەن قورعاۋ ماقساتىندا ەرەكشە قورعالاتىن تابيعي اۋماقتاردى كەڭەيتۋ بويىنشا ب ۇ ۇ د ب مەن قازاقستان ۇكىمەتى اراسىنداعى كوپجىلدىق ىنتىماقتىستىق اياسىندا جۇزەگە اسىرىلادى.
جوبا شەڭبەرىندە ىلە وزەنى اتىرابىنىڭ جايىلما ورماندارىن قالپىنا كەلتىرۋ جانە «ىلە- بالقاش» مەملەكەتتىك تابيعي رەزەرۆاتتىڭ اۋماعىندا تۇران جولبارىسىنىڭ رەينترودۋكتسياسى ءۇشىن تۇراقتى جەم- ءشوپ قورىن قالىپتاستىرۋ جوسپارلانىپ وتىر. ءوڭىردىڭ بىرەگەي تابيعاتى مەن بيوالۋانتۇرلىلىگىن ساقتاۋ ماڭىزدىلىعى تۋرالى حالىقتىڭ حاباردارلىعىن ارتتىرۋ مەن جەرگىلىكتى تۇرعىنداردىڭ باستامالارىن قولداۋعا ەرەكشە نازار اۋدارىلادى.
«بىرەگەي ەكوجۇيەلەردى، بيوالۋانتۇرلىلىكتىڭ، فلورا مەن فاۋنانىڭ نەگىزگى تۇرلەرىن قالپىنا كەلتىرۋ - ءوڭىردىڭ الەۋمەتتىك- ەكونوميكالىق تۇراقتىلىعىن قامتاماسىز ەتۋمەن قاتار، جابايى تابيعاتتى قورعاۋدىڭ العىشارتى. بۇل باستاما ءوزىنىڭ كوپقىرلى يگى اسەرىن تيگىزەدى، بيوالۋانتۇرلىلىكتى ساقتاپ قالىپ، ول ەكوتۋريزمنىڭ دامۋى مەن جەرگىلىكتى حالىقتىڭ تابىسقا جەتۋىنە مۇمكىندىك تۋعىزادى»، دەيدى ب ۇ ۇ د ب قازاقستانداعى تۇراقتى وكىلى ياكۋپ بەريش.
«ماقساتتى باعدارلامالار شەڭبەرىندە قازاقستان بيوالۋانتۇرلىلىكتىڭ ساقتالۋىنا دا كوپ كوڭىل بولەدى. قازاقستان رەسپۋبليكاسىنىڭ «جاسىل ەكونوميكاعا» ءوتۋ تۇجىرىمداماسى ءتيىمدى باسقارۋ مەن تۇراقتى دامۋ قاعيدالارىنا سايكەس، ەكوجۇيەلەر مەن بيوالۋانتۇرلىلىكتى ساقتاۋ ماسەلەلەرىن قوسا العاندا قازاقستان ەكونوميكاسىنىڭ نەگىزگى سالالارىن رەفورمالاۋدىڭ باسىم باعىتتارىن انىقتايدى»، دەدى ق ر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى نۇرلان قىلىشبايەۆ.
وسى ارادا بۇگىن - دۇنيەجۇزىلىك جابايى تابيعات كۇنى ەكەندىگىن ەسكە سالا وتىرىپ، ول بيىل «ەكوجۇيەنى قالپىنا كەلتىرۋ - نەگىزگى تۇرلەردى قالپىنا كەلتىرۋ» ۇرانىمەن اتالىپ وتەتىندىگىن ايتا كەتەلىك.
الماتى
ايناش ەسالى
egemen.kz
