ب ۇ ۇ باس اسسامبلەياسى رەسەيدىڭ ارەكەتىن ايىپتادى

نۇر-سۇلتان.قازاقپارات - ب ۇ ۇ باس اسسامبلەياسى رەسەيدەن ۋكرايناعا قارسى كۇش قولدانۋىن توقتاتىپ، بۇل ەلدەن اسكەرىن شىعارۋعا شاقىرعان قارار قابىلدادى.

رەسەيدىڭ ارەكەتىن ايىپتايتىن قۇجات باسىم داۋىسپەن قابىلداندى. قاراردى 141 مەملەكەت قولداپ، رەسەي، بەلارۋس، سيريا، سولتۇستىك كورەيا جانە ەريترەيا قارسى شىقتى. تاعى 35 مەملەكەت قالىس قالدى. ولاردىڭ قاتارىندا قازاقستان مەن قىتاي بار. قاراردا قاقتىعىسۋشى تاراپتاردى مينسك كەلىسىمشارتىن ورىنداپ، قاراماي- قايشىلىقتى بەيبىت جولمەن شەشىپ، حالىقارالىق قۇقىقتى ساقتاۋعا شاقىرادى.

ليندا توماس، ا ق ش- تىڭ ب ۇ ۇ- داعى تۇراقتى وكىلى:

- الەم بىرىگىپ ءوز ۇستانىمىن ءبىلدىردى. ب ۇ ۇ- نا مۇشە ەلدەردىڭ باسىم كوپشىلىگى سوعىستى ايىپتادى. الەم بەيبىتشىلىك پەن قاۋىپسىزدىكتى تاڭدايدى. ۋكرايناداعى جاعداي شيەلەنىسە تۇسكەن سايىن ءبىز وسى ۇستانىمىمىزدان قايتپاۋىمىز قاجەت. بىرىككەن ۇلتتار ۇيىمىنىڭ كۇشى مەن ونىڭ باستى مىندەتىن كورسەتۋىمىز كەرەك.

ال رەسەيدىڭ ب ۇ ۇ- داعى تۇراقتى وكىلى ۆاسيلي نەبەنزيانىڭ مالىمدەۋىنشە، باتىس ەلدەرى قاراردى قولداپ، داۋىس بەرۋ ءۇشىن كەي مەملەكەتتەرگە قىسىم كورسەتكەن. ءبىراق قۇجات رەسەيدىڭ اسكەري قيمىلدارىنا توسقاۋىل بولا المايدى، كەرىسىنشە راديكالدى كۇشتەر مەن ۋكرايناداعى ۇلتشىلدارعا قولداۋ كورسەتەدى دەيدى.

ايتا كەتەيىك، ب ۇ ۇ باس اسسامبلەيا قارارىنىڭ زاڭدىق كۇشى جوق.

www.24.kz