ساراپشى قانات يسلامنىڭ كارەراسى اياقتالعانىن ايتتى
Vesti.kz تىلشىسىنە بەرگەن سۇحباتىندا ESPN ارناسىنىڭ لاتىنامەريكالىق جۋرناليستى فەرناندو باربوزا وسىنداي پىكىر ءبىلدىردى.
«قانات يسلامدا باسىمدىق بارداي كورىنگەن. ونىڭ ساناتى جوعارى، تاجىريبەسى مول جانە فيزيكالىق تۇرعىدان دا كۇشتى. الايدا ونىڭ رينگتەگى ارەكەتى الەۋەتىن اشۋعا بوگەت بولدى. قازاقستاندىق ءوز-وزىنە ۇقسامادى، ال كەللي جوسپارىن ۇستانىپ، ساپالى بوكس كورسەتتى. قانات رينگتە ءوزىن تابا الماعاندىقتان وزگە بىردەڭەلەر ويلاپ تابۋعا تىرىستى.
جەكپە-جەك تەڭدەي بولدى دەۋگە بولادى، ءبىراق، كەللي جەڭىس ءۇشىن ەڭبەك ءسىڭىردى. ول بارىنشا تىرىسىپ باقتى، سوندىقتان وبەكتيۆتى تۇردە جاقسىراق بولدى. مەنىڭشە، قانات يسلامنىڭ كارەراسى اياقتالۋعا جاقىن. بوكستان كەتەتىنىن بىردەن جاريا ەتەدى، مۇمكىن تاعى ءبىر ايقاس وتكىزەر. ال ونىڭ ەندى جەتىستىككە جەتۋ تۋرالى سويلەۋدىڭ ءمانى جوق»، - دەيدى باربوزا.
