پاراليمپيادا: قازاقستاندىق سپورتشىلار قىتايدا جاتتىعۋعا كىرىستى

نۇر-سۇلتان. قازاقپارات - قازاقستاندىق پاراليمپياداشىلار يانتسزىاكوۋدا قىسقى وليمپيادا ويىندارىنا دايىندىققا كىرىستى، دەپ حابارلايدى Olympic.kz.

بۇل تۋرالى قازاقستان پاراليمپيادا كوميتەتى مالىمدەپ، پاراسپورتشىلار قىتايداعى جاتتىعۋ ساتىندە تۇسىرىلگەن فوتولارمەن ءبولىستى.

قازاقستان ساپىنان قىسقى پاراليمپيادا ويىندارىنا ەكى سپورت تۇرىنەن بەس سپورتشى قاتىسادى. پاراليمپيادا ويىندارىندا وتاندىق اتلەتتەر پارا شاڭعى مەن پارابياتلون بويىنشا باق سىنايدى.

ەل قۇراما ساپىنان جارىس جولىنا شىعاتىن سپورتشىلار: الەكساندر گەرليتس، ەربول حاميتوۆ، سەرگەي ۋسولسەۆ، يۋري بەرەزين مەن دەنيس پەترەنكو.

ايتا كەتەرلىگى، پاراليمپيادا ويىندارىنىڭ اشىلۋ سالتاناتى 4-ناۋرىز كۇنى نۇر-سۇلتان ۋاقىتىمەن ساعات 22:00-دە وتەدى. اشىلۋ سالتاناتىندا پارا شاڭعى جارىسىنان الەم كۋبوگىنىڭ قولا جۇلدەگەرى ەربول حاميتوۆ قازاقستان پاراليمپيادالىق قۇراماسىنىڭ تۋىن ۇستاپ شىعادى.