«حابار» تەلەارناسىنىڭ تىكەلەي ەفيرىندە ءۇش بالانىڭ اناسىنا پاتەر كىلتى تابىستالدى
بۇل جولى اۋتيزم دياگنوزى بار ءۇش بالانى جالعىز تاربيەلەپ وتىرعان انا ءوز ءۇيىنىڭ باقىتتى يەسى اتاندى، دەپ حابارلايدى قازاقپارات اتالعان تەلەارنانىڭ باسپا ءسوز قىزمەتىنە سىلتەمە جاساپ.
بەلگىلى بولعانداي، بالالاردىڭ اكەسى 9 جىل بۇرىن قايتىس بولعان. وسى ۋاقىتقا دەيىن گۇلنار قالدىبايەۆا بالالارىمەن بىرگە جالدامالى پاتەرلەردە تۇرۋعا ءماجبۇر بولدى. قايىرىمدىلىق قورىنا كومەك سۇراپ كەلگەن ايەلگە «حابار» تەلەارناسىنىڭ تىكەلەي ەفيرىندە الماتى قالاسىنداعى جەكە پاتەردىڭ كىلتى مەن جيھاز ساتىپ الۋعا ارنالعان سەرتيفيكات تابىستالدى.
ەستەرىڭىزگە سالا كەتەيىك، بۇعان دەيىن Tungi Habar باعدارلاماسىنىڭ تەلەكورەرمەندەرى كورۋ قابىلەتى بۇزىلعان اناسىنا قولقانات بولىپ وتىرعان 10 جاسار بالانىڭ جۇرەك ەلجىرەتەر وقيعاسىنىڭ كۋاگەرى بولدى. قاڭتار ايىندا تەلەارنانىڭ تىكەلەي ەفيرىندە «حابار» اگەنتتىگى مەن «حارەكەت» قايىرىمدىلىق قورىنىڭ اتىنان بالاعا پاتەر بەرىلدى. بۇل باستاما «حابار» تەلەارناسىنداعى كەشكى شوۋدىڭ جۇما كۇنگى شىعارىلىمدارىندا يگى داستۇرگە اينالادى دەپ جوسپارلانۋدا. - ءىس- شارا «بەرەكەلى جۇما» دەپ اتالادى. جۇما - مۇسىلماندار ءۇشىن قاسيەتتى كۇن. ءبىز اپتا سايىن Tungi Habar باعدارلاماسىنىڭ شىعارىلىمدارىندا وسىنداي توسىنسىيلار جاساۋدى جوسپارلاۋدامىز. «حارەكەت» قورىنىڭ ارقاسىندا مۇقتاج قازاقستاندىقتار عا «حابار» ارناسىنىڭ تىكەلەي ەفيرىند ە كومەك كورسەتىلەدى، - دەدى «حابار» اگەنتتىگى باسقارما ءتوراعاسىنىڭ مىندەتىن اتقارۋشى رينات كەرتايەۆ.
«حابار» تەلەارناسىنداعى جاڭا جوبا وسى جىلدىڭ قاڭتار ايىندا باستالعان بولاتىن. باعدارلاما كۇن سايىن ساعات 22:30-دا تىكەلەي ەفيردە كورسەتىلەدى. Tungi Habar شوۋىنىڭ جۇرگىزۋشىلەرى - تەاتردىڭ تانىمال اكتەرلەرى ماديار سەرىكبايەۆ پەن جانبولات نايزابەكوۆ.
