قار، كوكتايعاق، جەل - سەنبىگە ارنالعان اۋا رايى
اتموسفەرالىق اۋا اعىنداردىڭ اسەرىنەن قازاقستان تەرريتورياسىن باسىم بولىگىندە جاڭبىر مەن قار جاۋادى. كوكتايعاق، جەلدىڭ كۇشەيۋى، وڭتۇستىك- باتىستا شاڭدى داۋىلمەن بىرگە كۇتىلەدى. تەك ەلىمىزدىڭ وڭتۇستىگى مەن قيىر سولتۇستىگىندە انتيسيكلون جوتاسىنىڭ ىقپالىنان جاۋىن- شاشىنسىز اۋا رايى ساقتالادى.
اقتوبە وبلىسىنىڭ ورتالىعى مەن باتىسىندا جەلدىڭ 15-20 م/س كۇشەيۋى، تۇندە ورتالىعى مەن شىعىسىندا تۇمان، كوكتايعاق كۇتىلەدى.
ماڭعىستاۋ وبلىسىنىڭ شىعىسى مەن وڭتۇستىگىندە جەلدىڭ 15-20 م/س كۇشەيۋى، كۇندىز شىعىسىندا شاڭدى داۋىل سوعادى باتىس قازاقستان وبلىسىنىڭ سولتۇستىگىندە تۇمان، تۇندە وڭتۇستىك- شىعىسىندا كوكتايعاق كۇتىلەدى.
اتىراۋ وبلىسىنىڭ وڭتۇستىك- باتىسى مەن ورتالاعاندا جەلدىڭ 15-20 م/س كۇشەيۋى كۇتىلەدى. اقمولا وبلىسىنىڭ سولتۇستىك- باتىسى مەن شىعىسىندا، قوستاناي، قىزىلوردا وبلىستارىنىڭ سولتۇستىگىندە، سولتۇستىك قازاقستان وبلىسىنىڭ وڭتۇستىگىندە، پاۆلودار وبلىسىنىڭ باتىسىندا، تۇندە جانە تاڭەرتەڭ جامبىل وبلىسىنىڭ سولتۇستىگى مەن تاۋلى اۋداندارىندا، تۇندە شىعىس قازاقستان وڭتۇستىگىندە تۇمان تۇسەدى.
