قازاقستان حالقىنا قورى ناۋقاس بالالارعا كومەكتەسۋدى باستادى
ساراپشىلىق كوميتەتىنىڭ شەشىمىمەن قور «تۇساۋكەسەر» اتتى رەابيليتولوگ- نۇسقاۋشىلاردى وقىتۋ جوباسىن جانە الەمدەگى ەڭ قىمبات Zolgensma ءدارىسىن ساتىپ الۋ بويىنشا جوبانى قارجىلاندىرادى، دەپ حابارلايدى قازاقپارات.
«تۇساۋكەسەر» جوباسى قازاقستان وڭىرلەرىندەگى دەنە شىنىقتىرۋ- ساۋىقتىرۋ كلۋبتارىن قولداۋعا باعىتتالعان، وندا مەنتالدى جانە دەنە كەمىستىگى بار بالالار بىلىكتى مامانداردىڭ باقىلاۋىمەن ارنايى ادىستەمە بويىنشا سپورتپەن شۇعىلدانا الادى. جوبا ەلىمىزدىڭ ءتورت وڭىرىندە نۇسقاۋشى- رەابيليتولوگتاردى وقىتۋدى كوزدەيدى. قور جول شىعىندارىن، تۇرۋدى، مامانداردى وقىتۋدى قارجىلاندىرادى. نۇسقاۋشىلاردىڭ كەيىنگى ەڭبەگىنە اقى تولەۋدى بالالاردىڭ اتا- انالارىمەن بايلانىس جاسايتىن جانە بالالاردىڭ دامۋىنداعى ءتيىستى دامۋدى قاداعالايتىن وڭالتۋ جونىندەگى ماماننىڭ ءتيىستى باقىلاۋىنان كەيىن جۇزەگە اسىرادى.
جوبانى ىسكە اسىرۋعا 45,35 ميلليون تەڭگە جۇمسالادى. جوبانى قوردىڭ ساراپشى كوميتەتى (قۇرامىندا: س. ج. ساپيەۆ - كوميتەت ءتوراعاسى، وليمپيادا چەمپيونى، ق ر ەڭبەك سىڭىرگەن سپورت شەبەرى؛ ب. ك. بايجانوۆ – ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى، گ. ت. مانيۋروۆا. - كوميتەت حاتشىسى، وليمپيادا ويىندارىنىڭ كۇمىس جۇلدەگەرى، ق ر ەڭبەك سىڭىرگەن سپورت شەبەرى؛ ۆ. ا. ليەۆيت - بوكسشى، وليمپيادا ويىندارىنىڭ كۇمىس جۇلدەگەرى؛ د. ر. سادۋاكاسوۆا - ايەلدەر اراسىنداعى شاحماتتان حالىقارالىق گروسسمەيستەر، الەم چەمپيونى) قاراپ، قولداۋ تاپتى.
پيلوتتىق وڭىرلەر رەتىندە اتىراۋ، سەمەي، الماتى جانە شىمكەنت قالالارى تاڭدالدى. ايماقتاردا 2018 -جىلى نۇر- سۇلتان قالاسىندا سادىق بايىمبەتوۆ نەگىزىن قالاعان «جاس جاۋىنگەر» دەنە شىنىقتىرۋ- ساۋىقتىرۋ كلۋبىنىڭ تاجىريبەسى قولدانىلادى. ەلوردالىق كلۋب ەرەكشە قاجەتتىلىكتەرى بار بالالاردى وڭالتۋ (سەرەبرالدى سال اۋرۋى، داۋن سيندرومى، تىرەك- قيمىل اپپاراتىنىڭ بۇزىلۋى)، ولاردى جەكپە- جەك تۇرلەرى بويىنشا سپورت ارقىلى قوعامدىق ومىرگە تارتۋ (ينكليۋزيا). قۇرىلاتىن ورتالىقتاردا اتالمىش كلۋبتىڭ ادىستەمەسى قولدانىلادى.
بۇگىندە كلۋبتا بەيىمدەلگەن سپورت تۇرلەرىمەن (بوكس، ارمرەسلينگ، كاراتە، اۋىر اتلەتيكا جانە جەكپە- جەك) 50-دەن استام بالا اينالىسادى. كلۋبتا وڭالتۋ جانە جاتتىعۋ ادىستەرىن قولدانۋ ارقىلى ۇزاق ۋاقىت جۇرە الماعان 11 بالانىڭ العاشقى قادامدارىن جاساۋعا مۇمكىندىك بەردى. جاقىندا قوردىڭ باسقارما ءتوراعاسى بولات جامىشيەۆتىڭ قاتىسۋىمەن كلۋبتىڭ قاتىسۋشىلارى - جەتى جاسار ەرۆين كۋرەنكو مەن ايان باقتىبايدىڭ تۇساۋى كەسىلىپ، «تۇساۋكەسەر» ۇلتتىق ءراسىمى جۇرگىزىلدى.
«قازاقستان حالقىنا» قورىنىڭ تۇڭعىش «تۇساۋكەسەر» جوباسى ەرەكشە بالالارعا العاشقى قادام جاساپ، اياعىنان تۇرعىزۋعا كومەك بەرەدى دەپ سانايمىز. سونداي- اق، قور سيرەك كەزدەسەتىن (ورفاندىق) ومىرگە قاۋىپ توندىرەتىن جانە سوزىلمالى اۋرۋلارى بار بالالارعا اتاۋلى كومەك كورسەتۋ تۋرالى شەشىم قابىلدادى. ق ر دەنساۋلىق ساقتاۋ مينيسترلىگىنىڭ دەرەكتەرى بويىنشا سوڭعى بەس جىلدا ورفاندىق اۋرۋلارى بار ناۋقاستار سانىنىڭ % 49- عا، ونىڭ ىشىندە بالالاردىڭ - % 11- عا ءوسۋى بايقالادى (2021 -جىلدىڭ سوڭىندا - 13426 بالا).
2020 -جىلى دارىلىك زاتتارمەن قامتاماسىز ەتۋدىڭ % 23، 2021 -جىلى -% 26,8 ورفاندىق اۋرۋلارى بار پاتسيەنتتەرگە تيەسىلى. ورفاندىق اۋرۋلاردى ەمدەۋدەگى ءدارى- دارمەكتەردىڭ قۇنى جوعارى، سونىمەن قاتار ءبىرقاتار ءدارى- دارمەك تىركەلمەگەن. سونىمەن قاتار، ورفاندىق اۋرۋلاردى ەمدەۋدىڭ زاماناۋي ادىستەرى ولاردى نارەستە كەزىنەن قولدانعاندا جوعارى تيىمدىلىكتى كورسەتەدى. ەمدەۋدى ۋاقتىلى باستاۋ بالالاردى مۇمكىندىگىنشە وڭالتۋعا مۇمكىندىك بەرەدى. جوبانى قوردىڭ ساراپشىلىق كوميتەتى قاراپ، ماقۇلدادى (قۇرامىندا: بايعاليەۆا ب. - «ق ر ورفاندىق اۋرۋلارى بار پاتسيەنتتەرگە كومەك كورسەتەتىن پاتسيەنتتەر قاۋىمداستىعى» ز ت ب ءتورايىمى، ساراپشىلىق كوميتەتىنىڭ ءتورايىمى، تاۋكەلوۆا س. - «قوعامدىق مونيتورينگ جانە باقىلاۋ» ر ق ب ءتورايىمى، بورانبايەۆا ر. - «پەدياتريا جانە بالالار حيرۋرگياسى عىلىمي ورتالىعى» ا ق باسقارما ءتورايىمى، ق ر د س م شتاتتان تىس باس پەدياترى، «س. اسفەندياروۆ اتىنداعى قازۇمۋ» ك ە ا ق بالالار اۋرۋلارى كافەدراسىنىڭ مەڭگەرۋشىسى، م. ع. د. , ساين ا. - «دوم» ق ق قامقورشىلىق كەڭەسىنىڭ مۇشەسى، ق ر بالا قۇقىقتارى جونىندەگى ۋاكىل).
وسىلايشا، قور 9,7 ميلليارد تەڭگە سوماسىنا 24 بالا مەن ەكى ەرەسەكتى جۇلىن بۇلشىقەتىنىڭ اتروفياسى، ديۋشەننىڭ بۇلشىقەت ديستروفياسى اۋرۋلارىمەن دارىلىك قامتاماسىز ەتۋ بويىنشا جوبانى قارجىلاندىرادى. سونىڭ ىشىندە قازاقستاندا تىركەلمەگەن وناسەمنوگەن ابەپارۆوۆەك (Zolgensma) قىمبات دارىلىك پرەپاراتىن جۇلىن بۇلشىق ەت اتروفياسى بار پاتسيەنتتەرگە ارنالعان ءتورت بالا ءۇشىن ساتىپ الىنادى. ساراپشىلىق كوميتەتى ورفاندىق اۋرۋلارمەن اۋىراتىن ناۋقاستاردى ەمدەۋ ءۇشىن دارىلىك زاتتاردى ساتىپ الۋعا دەنساۋلىق ساقتاۋ مينيسترلىگى جانىنداعى ساراپتامالىق- كەڭەسشى كەڭەستىڭ وزەكتى (مەرزىمى وتپەگەن) قورىتىندىسى بولعان جاعدايدا عانا قورعا ۇسىنىمدار بەرەدى. قاجەتتى قۇجاتتاردىڭ بولماۋىنا بايلانىستى وتىنىمدەردىڭ ءبىر بولىگى قابىلدانبادى، الايدا الداعى ۋاقىتتا بۇل وتىنىمدەر قاراستىرىلۋى مۇمكىن.
