قاسىم-جومارت توقايەۆ رەسەي پرەمەر-ءمينيسترى ميحايل ميشۋستيندى قابىلدادى

نۇر-سۇلتان. قازاقپارات - مەملەكەت باسشىسى ەۋرازيالىق ۇكىمەتارالىق كەڭەسكە قاتىسۋ ءۇشىن قازاقستانعا كەلگەن رەسەي فەدەراتسياسىنىڭ پرەمەر-ءمينيسترى ميحايل ميشۋستيندى قابىلدادى، دەپ حابارلايدى اقوردانىڭ باسپا ءسوز قىزمەتى.

باسەكەلەستىكتى دامىتۋ تۋرالى زاڭدا قانداي باستامالار كوتەرىلگەن كەزدەسۋ بارىسىندا ولار ساۋدا- ەكونوميكالىق، ينۆەستيتسيالىق ىنتىماقتاستىقتى، سونىڭ ىشىندە ەۋرازيالىق ەكونوميكالىق وداق اياسىنداعى ىقپالداستىقتى نىعايتۋعا باسا ءمان بەرە وتىرىپ، قازاقستان مەن رەسەي اراسىنداعى ستراتەگيالىق سەرىكتەستىكتى دامىتۋدىڭ پەرسپەكتيۆالارىن تالقىلادى.

سونىمەن قاتار قازاقستان پرەزيدەنتى مەن رەسەي پرەمەر-ءمينيسترى ۋكرايناداعى جاعدايدىڭ ۋشىعۋىنا جانە رەسەيگە حالىقارالىق سانكسيالاردىڭ ەنگىزىلۋىنە بايلانىستى ەكى مەملەكەت اراسىنداعى تاۋار اينالىمىنىڭ تومەندەۋىنە جول بەرمەۋ جونىندەگى بىرلەسكەن شارالاردى قاراستىردى.