اسەت يسەكەشەۆ ق ر پرەزيدەنتىنىڭ كومەكشىسى بولىپ تاعايىندالدى
«اسەت ورەنتاي ۇلى يسەكەشەۆ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى لاۋازىمىنان بوساتىلسىن» دەپ جازىلعان ق ر پرەزيدەنتى قول قويعان جارلىق ماتىنىندە. ***
اسەت يسەكەشەۆ 1971 -جىلى 17-تامىز كۇنى قاراعاندى قالاسىندا دۇنيەگە كەلگەن.
ءبىلىمى: 1989 -جىلى ورال قالاسىنداعى №5-ارناۋلى كاسىبي- تەحنيكالىق ۋچيليشەسىن «سلەسار- جيناۋشىسى» ماماندىعى بويىنشا بىتىرگەن.
1994 -جىلى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن ءتامامداعان. 1998 -جىلى ق ر پرەزيدەنتى جانىنداعى ۇلتتىق مەملەكەتتىك باسقارۋ مەكتەبىن اياقتاعان.
ەڭبەك جولى:
1989 -جىلى - «ومەگا» ورال اسپاپ جاساۋ زاۋىتىنىڭ راديوەلەكتروندىق اپپاراتۋرا مەن اسپاپتاردىڭ سلەسار- جيناقتاۋشىسى.
1995 - 1997 -جىلدارى - پروكۋراتۋرا ورگاندارىندا جۇمىس ىستەدى.
1998-1999 -جىلدارى - ق ر ستراتەگيالىق جوسپارلاۋ جانە رەفورمالار اگەنتتىگىنىڭ باس مامانى. 1999-2000 -جىلدارى - ق ر ادىلەت مينيسترلىگى ورتالىق جانە جەرگىلىكتى مەملەكەتتىك ورگاندارداعى نورماتيۆتىك قۇقىقتىق اكتىلەردى تىركەۋ جانە باقىلاۋ دەپارتامەنتىنىڭ ديرەكتورى. 2000-2002 -جىلدارى - جەكە سەكتوردا قىزمەت ىستەدى.
2002 -جىلدىڭ قاراشاسىنان باستاپ ق ر ەكونوميكا جانە بيۋدجەتتى جوسپارلاۋ ءمينيسترىنىڭ كەڭەسشىسى.
2003 -جىلدىڭ ماۋسىمىنان باستاپ ق ر يندۋستيريا جانە ساۋدا ۆيتسە-ءمينيسترى.
2006 -جىلدىڭ مامىر ايىنان باستاپ «قازىنا» ورنىقتى دامۋ قورى» ا ق باسقارما ءتوراعاسىنىڭ ورىنباسارى.
2007-2008 -جىلدارى - جەكە سەكتوردا جۇمىس ىستەدى. 2008 -جىلدىڭ اقپان ايىنان باستاپ قازاقستان رەسپۋبليكاسىنىڭ پرەزيدەنتىنىڭ كومەكشىسى.
2009 -جىلدىڭ مامىر ايىنان باستاپ ق ر يندۋستريا جانە ساۋدا ءمينيسترى، 2010 -جىلى ناۋرىزدا پرەمەر- ءمينيستردىڭ ورىنباسارى - ق ر يندۋستريا جانە جاڭا تەحنولوگيالار ءمينيسترى.
2012 -جىلدىڭ قاڭتارىنان يندۋستريا جانە جاڭا تەحنولوگيالار ءمينيسترى، 2012 -جىلدىڭ قىركۇيەگىنەن پرەمەر- ءمينيستردىڭ ورىنباسارى - ق ر يندۋستريا جانە جاڭا تەحنولوگيالار ءمينيسترى.
2014 -جىلدىڭ تامىزىنان 2016 -جىلدىڭ ماۋسىمىنا دەيىن ينۆەستيتسيالار جانە دامۋ ءمينيسترى. سونىمەن قاتار، 2015 -جىلدىڭ اقپان ايىنان باستاپ ينۆەستيتسيالىق ومبۋدسمەن. 2016 -جىلدىڭ 21 ماۋسىمىنان باستاپ استانا قالاسىنىڭ اكىمى.
2018 -جىلدىڭ 10-قىركۇيەگى مەن 2019 -جىلدىڭ 24-ناۋرىزى ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى. 2019 -جىلدىڭ 25-ناۋرىزىنان 2020 -جىلدىڭ 16-قاڭتارى ارالىعىندا ق ر تۇڭعىش پرەزيدەنتى قورىنىڭ اتقارۋشى ديرەكتورى. 2020 -جىلدىڭ 16-قاڭتارىنان وسى تاعايىنداۋعا دەيىن - ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى. «قۇرمەت» جانە «پاراسات» وردەندەرىمەن ماراپاتتالعان.
