وزبەكستان ۋكراينادان ءوز ازاماتتارىن ەۆاكۋاتسيالايتىندىعىن مالىمدەدى
بۇل تۋرالى بۇگىن كيەۆتەگى وزبەكستان ەلشىلىگى ءوز وتانداستارىنا ارنالعان رەسمي ۇندەۋدە جاريا ەتتى، دەپ حابارلايدى قازاقپارات ءو ز ا- عا سىلتەمە جاساپ.
«ۋكرايناداعى جاعدايدىڭ شيەلەنىسۋىن جانە توتەنشە جاعدايدىڭ ەنگىزىلگەنىن ەسكەرە وتىرىپ، وزبەكستان رەسپۋبليكاسىنىڭ ازاماتتارىنا حابارلايمىز. قازىرگى ۋاقىتتا وزبەكستان رەسپۋبليكاسىنىڭ كيەۆتەگى ەلشىلىگى ەۆاكۋاتسيا جوسپارىن جانە ۋكراينا اۋماعىنان كەتكىسى كەلەتىن ازاماتتاردىڭ ءتىزىمىن ازىرلەۋدە. ۋكراينانىڭ اۋە كەڭىستىگىنىڭ جابىلۋىن ەسكەرە وتىرىپ، ۇشۋ باعىتتارى مەن باراتىن جەرى دايىندالۋدا. قولايلى ەۆاكۋاتسيالاۋ جولدارىنا قاتىستى ماسەلەلەر ءۇشىنشى ەلدەردىڭ مۇددەلى قىزمەتتەرىمەن كەلىسىلگەندىكتەن، وزبەكستان ازاماتتارى ەلشىلىكتىڭ www.uzbekistan.org.ua سايتىندا جانە الەۋمەتتىك جەلىلەردە قوسىمشا حاباردار ەتىلمەك. ۋكراينادان كەتكىسى كەلەتىن وزبەكستان رەسپۋبليكاسىنىڭ بارلىق ازاماتتارى ءتولقۇجات مالىمەتتەرىن ەلشىلىكتىڭ embassy@uzbekistan.org.ua ەلەكتروندى مەكەنجايىنا جىبەرۋلەرى ءتيىس. ءبىز ۋكرايناداعى وزبەكستان ازاماتتارىن تىنىشتىقتى ساقتاۋىن جانە قوسىمشا سۇراقتارى بولسا ەلشىلىككە حابارلاسۋىن سۇرايمىز»، دەپ اتاپ كورسەتىلگەن ديپلوماتيالىق وكىلدىك حابارلاماسىندا.
