قازاقستان ۋكراينادان ەل ازاماتتارىن ەۆاكۋاتسيالاپ جاتىر

نۇر-سۇلتان. قازاقپارات - ۋكرايناداعى سوڭعى وقيعالارعا بايلانىستى قازاقستان رەسپۋبليكاسىنىڭ كييەۆتەگى ەلشىلىگى ازاماتتارىمىزدى ەۆاكۋاتسيالاۋدى قامتاماسىز ەتۋدە.

بۇل تۋرالى قازاقپارات ق ر سىرتقى ىستەر مينيسترلىگىنىڭ Telegram كانالىنا سىلتەمە جاساپ حابارلايدى.

ۋكرايناداعى قازاقستان ازاماتتارى قازاقستان رەسپۋبليكاسىنىڭ ەلشىلىگىنە كيەۆ قالاسى، يلەنكو كوشەسى، 26-ءۇي مەكەن- جايى بويىنشا جانە «جەدەل جەلى» تەلەفوندارى ارقىلى حابارلاسا الادى: (WhatsApp ،Viber الەۋمەتتىك جەلىلەرى ارقىلى دا) 380673470408+، 380444831596+، 380444891858+.

«وتانداستارىمىز حاركوۆ (كەلەسى كونسۋلدىق ايماقتارىن قامتيدى - حاركوۆ، سۋمى جانە پولتاۆا وبلىستارى)، لۆوۆ (ۆولىنسكايا، زاكارپاتسكايا، يۆانو- فرانكوۆسكايا، روۆنەنسكايا، تەرنوپولسكايا، حمەلنيتسكايا، چەرنوۆەتسكايا جانە لۆوۆ وبلىستارىن قامتيدى)، ودەسسا (نيكولايەۆسكايا، حەرسونسكايا جانە ودەسسا وبلىستارى) جانە دنەپر (دنەپروپەتروۆسك وبلىسى) قالالارىندا ورنالاسقان ق ر قۇرمەتتى كونسۋلدارىنىڭ كەڭسەلەرىنە جۇگىنە الادى»، - دەلىنگەن حابارلامادا. سونىمەن قاتار، ق ر سىرتقى ىستەر مينيسترلىگىندە ازاماتتارىمىز حابارلاسۋى ءۇشىن كەلەسى تەلەفون ارقىلى «جەدەل جەلى» اشىلدى 77172720606+.