ۋكرايناداعى جاعدايعا قاتىستى بەيبىت شەشىم قاراستىرۋ كەرەك - ماۋلەن اشىمبايەۆ
وسى ورايدا ول شيەلەنىستى بەيبىت جولمەن شەشۋ ءۇشىن كەلىسسوزدەر جۇرگىزۋ ماڭىزدى بولىپ تۇر، دەپ حابارلايدى قازاقپارات ءتىلشىسى.
سەناتتىڭ جالپى وتىرىسىنان كەيىن تىلشىلەر ساۋالىنا جاۋاپ بەرگەن پالاتا ءتوراعاسى ۋكرايناداعى احۋال ۋشىعىپ، جاڭا كەزەڭگە شىققانىن، بۇل جاعدايدا كەلىسسوزدەر ارقىلى شيەلەنىستە ساياسي شەشىمدى پىسىقتاۋ ماڭىزدى بولىپ تۇرعانىن اتاپ ءوتتى.
وسى ورايدا م. اشىمبايەۆ بۇل كەلىسسوزدەردە بارلىق مۇددەلى تاراپتار قامتىلۋى ءتيىس ەكەنىن ءسوز ەتتى. سەنات ءتوراعاسى ب ۇ ۇ وسى تەكتەس ماسەلەلەردى قارايتىن نەگىزگى حالىقارالىق ۇيىم ەكەنىن ەسكە سالدى. سوندىقتان بۇل داعدارىستى ديپلوماتيالىق جولمەن شەشۋ ءۇشىن مۇمكىندىكتەر بار. بۇدان بۇرىن حابارلانعانداي، جاقىندا ق ر سىرتقى ىستەر ءمينيسترى مۇحتار تىلەۋبەردى رەسەيدىڭ دونەتسك پەن لۋگانسكىنى تۇراقتاندىرۋ شەشىمىنە پىكىر ءبىلدىردى. بۇگىن ۋكراينا پرەزيدەنتى ۆلاديمير زەلەنسكي ەل حالقىنا ۇندەۋ جاريالاپ، ۋكراينا اۋماعىندا اسكەري جاعداي رەجيمى ەنگىزىلگەنىن مالىمدەدى.
