ۆ. پۋتين: مينسك كەلىسىمدەرى كۇشىن جويدى

نۇر- سۇلتان. قازاقپارات - رەسەي دونەتسك حالىقتىق رەسپۋبليكاسى مەن لۋگانسك حالىقتىق رەسپۋبليكاسىن ءوز كونستيتۋتسياسىندا كورسەتىلگەن شەكارا اۋماعىندا ەگەمەن ەلدەر دەپ مويىندادى، دەپ حابارلايدى «حابار 24».

بۇل تۋرالى ۆلاديمير پۋتين ارنايى باسپا ءسوز ءماسليحاتىندا مالىمدەدى. ونىڭ ايتۋىنشا، كرەمل اتالعان ايماقتارعا اسكەري كومەك كورسەتەدى جانە قاجەت جاعدايدا دونباسسقا اسكەر كىرگىزەدى. سونداي- اق پۋتين «ۋكراينا رەسەيمەن قارىم- قاتىناسىن جاقسارتۋ ءۇشىن قىرىمداعى رەفەرەندۋم ناتيجەسىن مويىنداۋى ءتيىس» دەگەن شارت قويدى.

ۆلاديمير پۋتين، رەسەي پرەزيدەنتى:

- مينسك كەلىسىمدەرى دونباستاعى حالىق رەسپۋبليكالارىن مويىنداعانعا دەيىن كۇشىن جويعان. قازىر ول قۇجات مۇلدە جۇمىس ىستەمەيدى. بۇل ءبىزدىڭ جانە اتالعان رەسپۋبليكالار وكىلدەرىنىڭ ەمەس، قازىرگى رەسمي كيەۆتىڭ كىناسى. داعدارىستى رەتتەۋدىڭ بىردەن ءبىر جولى - ۋكراينا ناتو- عا قوسىلۋدان باس تارتۋى قاجەت.

ا www.24.kz