اۆتوسالونداردا ساتىلاتىن اۆتوموبيلدەر نەگە جوق - سكلياردىڭ جاۋابى

نۇر- سۇلتان. قازاقپارات - ق ر پرەمەر- ءمينيسترىنىڭ ءبىرىنشى ورىنباسارى رومان سكليار اۆتوسالونداردا ساتىلاتىن اۆتوموبيل تاپشىلىعىنا قاتىستى پىكىر ءبىلدىردى، دەپ حابارلايدى، قازاقپارات ءتىلشىسى.

«حابار-24» تەلەارناسىنداعى «سۇحبات» باعدارلاماسى بارىسىندا ءبىرىنشى ۆيتسە- سپيكەرگە: «ءسىزدىڭ پىكىرىڭىزشە، اۆتوسالونداردا نەگە كولىكتەر جوق؟ تاپشىلىق جاساندى تۇردە جاسالعان سياقتى كورىنەدى»، - دەپ ساۋال قويىلعان بولاتىن.

وسى رەتتە رومان سكليار ەلىمىزدەگى اۆتوسالونداردا كولىك تاپشىلىعى بار ەكەندىگىن جاسىرمادى. «ءيا، وكىنىشكە وراي سولاي. اۆتوسالونداردا وتاندىق، سونداي- اق شەتەلدە قۇراستىرىلعان اۆتوموبيلدەر تاپشى. بۇل جەڭىل اۆتوكولىكتەردى قۇراستىرۋ بارىسىندا قولدانىلاتىن ەلەكتروندى چيپتەردىڭ تاپشىلىعىمەن بايلانىستى ەكەنى بەلگىلى. جاعداي بىرتىندەپ تۇزەلىپ كەلەدى. مەنىڭشە، جاعداي ءوز ارناسىنا تۇسەدى جانە كەلەسى جىلدان باستاپ وتاندىق تا، شەتەلدىك دە اۆتوموبيلدەردىڭ جەتكىلىكتى بولاتىندىعىن كۇتەمىز»، - دەدى ءبىرىنشى ۆيتسە- سپيكەر.

اۆتور: مارلان جيەمباي