الەم بويىنشا نەشە ەلدە اتوم ەلەكتر ستانسياسى سالىنعان

نۇر-سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە ق ر ەنەرگەتيكا مينيسترلىگى اتوم ەنەرگەتيكاسى جانە ونەركاسىبى دەپارتامەنتىنىڭ ديرەكتورى جاسلان قاسەنوۆ اتوم ەنەرگەتيكاسىن دامىتىپ جاتقان ەلدەر تۋرالى مالىمەت بەردى، دەپ حابارلايدى قازاقپارات ءتىلشىسى.

«قازىر الەم بويىنشا 31 مەملەكەت اتوم ەلەكتر ستانسياسىن پايدالانىپ وتىر. 2022 -جىلعى اقپانداعى جاعداي بويىنشا الەمدە جالپى قۋاتى شامامەن 391 گ ۆت بولاتىن 439 ەنەرگەتيكالىق رەاكتور بار جانە 55 گ ۆ ت قۋاتى بار تاعى 52 رەاكتور سالىنىپ جاتىر. اتوم ەنەرگەتيكاسىن ايتارلىقتاي قولدانىپ وتىرعان ەلدەر: ا ق ش، فرانسيا، ق ح ر، جاپونيا، رەسەي جانە وڭتۇستىك كورەيا. بۇل ەلدەردىڭ ءارقايسىسىندا 25 گ ۆ ت- تان استام قۋاتتىلىق بار. كانادا مەن ۋكراينادا شامامەن 13 گ ۆ ت، ال ۇلى بريتانيا، گەرمانيا، شۆەتسيا، يسپانيا، ءۇندىستان جانە بەلگيادا شامامەن 5-10 گ ۆ ت ەنەرگيا بەرىپ تۇرعان اەس ورناتىلعان. تاعى 18 ەلدە ءارقايسىسى 0,4 - 4 گ ۆ ت دالىزىندە بەلگىلەنگەن قۋاتى بار ءبىر نەمەسە بىرنەشە رەاكتور بار»، - دەدى جاسلان قاسەنوۆ.

سونداي-اق، ول اتوم ەنەرگەتيكاسىنا بەت بۇرعان ەلدەردىڭ كارتاسى التى قۇرلىقتى بىردەي قامتيتىنىن اتاپ ءوتتى.

«فرانسيا ون جىل ويلانعاننان كەيىن يادرولىق ەنەرگەتيكاعا سەنىم ارتاتىن بولدى. ءتىپتى 14-كە دەيىن جاڭا رەاكتور ورناتۋدى جوسپارلاپ وتىر. ولاردىڭ ءبىرىنشىسى 2035 -جىلعا قاراي ىسكە قوسىلۋعا ءتيىس. تۇركيا، بىرىككەن اراب امىرلىكتەرى، بەلارۋس سياقتى ەلدەر ءوز تاريحىندا ءبىرىنشى رەت اەس سالعىزىپ وتىر. بۇرىن اەس- تەن باس تارتقان پولشا ءقازىر اتومدىق ەنەرگەتيكالىق باعدارلاماسىن جاڭارتۋعا دايىندالىپ جاتىر. افريكا مەن تاياۋ شىعىس مەملەكەتتەرى بەلسەنە باستادى. ەۋروپالىق كوميسسيا ەۋروپالىق وداق مۇشەلەرىنە 2050 -جىلعا قاراي كومىرتەگى بەيتاراپتىعىنا كوشۋ باعدارلاماسىنا اتوم ەنەرگەتيكاسىن قوسۋ جوسپارلانعان قاۋلى جوباسىن ۇسىندى»، - دەدى مينيسترلىك وكىلى.