ەلوردادا «جانۇيا» وتباسى ينستيتۋتى قانداي الەۋمەتتىك قولداۋ كورسەتىپ وتىر
قالا اكىمدىگى تاراپىنان الەۋمەتتىك توپتار اراسىنداعى قارىم-قاتىناستاردى قولداپ، جالپى قالا تۇرعىندارىنىڭ ءال- اۋقاتى مەن ءومىر ءسۇرۋ دەڭگەيىن جاقسارتۋ نەگىزىندە 2019 -جىلدىڭ 26-تامىزىندا قالا اكىمدىگىنىڭ جانىنان «جانۇيا» وتباسى ينستيتۋتىن قولداۋ ورتالىعى پيلوتتىق جوبا رەتىندە اشىلعان بولاتىن. ورتالىق بولىمدەرىنىڭ قىزمەتىنىڭ ماقساتى - وتباسى ينستيتۋتىن جان- جاقتى قولداۋ جانە نىعايتۋ، ورتالىققا كەلەتىن وتباسىلارعا الەۋمەتتىك قىزمەتتەر مەن كونسۋلتاتسيالار بەرۋ، ولارعا قولداۋ كورسەتۋ، ماسەلەلەرىن تولىق شەشۋگە كومەك بەرۋ، حالىقتىڭ الەۋمەتتىك وسال توپتارىن انىقتاۋ بولىپ وتىر. جەرگىلىكتى اتقارۋشى ورگاندارمەن ءوزارا ءىس- قيمىل جاساۋ، ازاماتتاردىڭ وتىنىشتەرىنىڭ قىسقا، ورتا جانە ۇزاق مەرزىمدى كەزەڭدە ورىندالۋىن قاداعالاۋ جانە وتباسىن قولداۋ.
«ورتالىق پيلوتتىق جوبا رەجيمىندە ءوز جۇمىسىنىڭ جوعارى سۇرانىسقا يە ەكەنىن كورسەتىپ، نۇر-سۇلتان قالاسىنىڭ اكىمدىگىنى قولداۋىمەن 2020-مامىرىنان باستاپ كوممۋنالدىق مەملەكەتتىك مەكەمەسى بولىپ رەسمي تۇردە جۇمىس اتقارۋدا. ورتالىق «ءبىر تەرەزە» قاعيداتىنا نەگىزدەلىپ، (كوپ بالالى، تولىق ەمەس، از قامتىلعان، مۇگەدەك بالالاردى تاربيەلەپ وتىرعان وتباسىلارعا جانە تاعى باسقا) ازاماتتاردىڭ جەكەلەنگەن ساناتتارىنا كەشەندى كونسۋلتاتسيالىق قىزمەتتەر كورسەتەدى»، - دەدى اسەمگۇل سادىر ەلوردا اكىمدىگىندە وتكەن بريفينگىدە.
ونىڭ ايتۋىنشا، «جانۇيا» ورتالىعىنىڭ بازاسىندا مەملەكەتتىك جانە كۆازيمەملەكەتتىك سەكتورلار مەكەمەلەرىنىڭ قىزمەتىن ۇيىمداستىرۋ ارقىلى وتباسىنىڭ الەۋمەتتىك ماسەلەلەرىن كەشەندى تۇردە شەشۋ جۇزەگە اسىرىلادى. ورتالىقتا «ءبىر تەرەزە» قاعيداتى نەگىزىندە ەلوردالىقتار ءۇشىن 7 مەملەكەتتىك ۇيىم مەن كۆازيمەملەكەتتىك مەكەمەلەرىنىڭ 15 قىزمەت تۇرلەرىن الۋ مۇمكىندىگى بار. وسى ورايدا قيىن ومىرلىك جاعدايعا تۇسكەن ءاربىر وتباسىمەن جەكەلەي جۇمىس جۇرگىزىلەدى. ماسەلەن، 2021 -جىلى 432 وتباسىنىڭ ماسەلەسى قارالدى.
«ورتالىقتا قۇقىقتىق، پسيحولوگيالىق كەڭەس الۋ، قيىن جاعدايعا تاپ بولعان وتباسىلاردى الەۋمەتتىك سۇيەمەلدەۋ ۇيىمداستىرىلادى. وسىلايشا، ورتالىق اشىلعان كۇننەن باستاپ، ياعني 2019 -جىلدان باستاپ پسيحولوگيالىق كومەك الۋ ءۇشىن 798، زاڭگەرلىك كومەك ءۇشىن 5090 ادام جۇگىندى. مۇنىمەن قوسا، كومەك الۋ ءۇشىن جۇگىنگەن 1800-دەن استام ادامعا الەۋمەتتىك كومەك كورسەتىلدى. سونىمەن قاتار، ورتالىقتا از قامتىلعان، كوپ بالالى وتباسىلارعا، مۇگەدەك بالالاردى تاربيەلەپ وتىرعان جانە مۇمكىندىگى شەكتەۋلى ازاماتتارعا، سيفرلىق ساۋاتتىلىقتى ارتتىرۋ ماقساتىندا جانە الەۋمەتتىك قىزمەتتەر پورتالى ارقىلى وزىنە قىزمەت كورسەتۋ مۇمكىندىگىن جاساۋ ءۇشىن، وزىنە- ءوزى قىزمەت كورسەتۋ سەكتورىنىڭ جۇمىسى ۇيىمداستىرىلعان. پورتال بويىنشا 18000 استام ءوتىنىش قابىلداندى. اشىلعان كۇنىنەن باستاپ ورتالىققا 114921 سۇراق بويىنشا 110266 ادام جۇگىندى»، - دەدى ول.
اسەمگۇل سادىردىڭ سوزىنە قاراعاندا، «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ تۇرعىسىندا ورتالىق بازاسىندا بەكىتىلگەن كەستەگە سايكەس، سانيتارلىق نورمالاردى ساقتاي وتىرىپ، اپتا سايىن مەملەكەتتىك مەكەمەلەردىڭ ءبىرىنشى باسشىلارى، ورىنباسارلارىنىڭ ازاماتتاردى قابىلداۋى ۇيىمداستىرىلدى.
وسىلايشا، 2021 -جىلدىڭ 20-مامىرىنان باستاپ 11 مەكەمە ازاماتتاردى قابىلدادى، وندا 800 استام ماسەلە قارالدى. (824 ادام، 167 قابىلداۋ). ەلوردا تۇرعىندارى «جانۇيا» ورتالىعىنىڭ بازاسىندا ازاماتتاردى قابىلداۋ تۋرالى اقپاراتتى الەۋمەتتىك جەلى ارقىلى، سونىمەن قاتار ورتالىقتىڭ call-سەنترىندەگى 278649 نومىرىنە حابارلاسۋ ارقىلى الا الادى.
