11:39, 23 - اقپان 2022 | GMT +5
الماتىدا پوليتسەيلەر قارسى جولاقپەن ارتقا جۇرگەن جۇرگىزۋشىنى ىزدەستىرىپ جاتىر - ۆيدەو
الماتى. قازاقپارات - الماتى پوليتسياسى ساين كوشەسىمەن قارسى باعىتتا جۇرگەن، مەملەكەتتىك ءنومىرى جوق كولىك جۇرگىزۋشىسىن ىزدەستىرىپ جاتىر، دەپ حابارلايدى قازاقپارات ءتىلشىسى. ونىڭ ۆيدەوسى الەۋمەتتىك جەلىدە تارادى.
بەينەجازبادان مەملەكەتتىك ءنومىرى جوق «Lexus» كولىك جۇرگىزۋشىسىنىڭ قارسى جولاقپەن ارتقا جۇرگەنىن كورۋگە بولادى.
سونىڭ سالدارىنان جاپپاي كولىك اپاتى بولدى. قالالىق پوليتسيا دەپارتامەنتىنىڭ باسپا ءسوز قىزمەتى ءتارتىپ بۇزۋشىلار قازاقستان رەسپۋبليكاسىنىڭ زاڭناماسىنا سايكەس مىندەتتى تۇردە جازالاناتىنىن ايتتى. پوليتسيا قىزمەتكەرلەرى ىزدەستىرۋ شارالارىن باستادى، ءاربىر قاتىسۋشى انىقتالادى.
