ەسىڭە مەنى العايسىڭ: ەلوردادا مۇقاعالي ماقاتايەۆتى ەسكە الۋعا ارنالعان كەش ءوتتى
كەش فيلارمونيانىڭ كلاسسيكالىق جانە ەسترادالىق ۆوكال ءبولىمى ۇيىمداستىرىۋىمەن كورەرمەنگە ۇسىنىلدى.
ءبولىمنىڭ كوركەمدىك جەتەكشىسى - ق ر ەڭبەك سىڭىرگەن قايراتكەرى ارايلىم راحىم قىزى.
اقىننىڭ ماڭگىلىك اسىل مۇراعا اينالعان اسەم اندەرى جاندى داۋىستا ورىندالىپ، جالىندى جىرلارى جاتقا وقىلعان كونسەرتتە حالىق جۇرەگىنەن تەرەڭ ورىن العان شىعارمالار ۇسىنىلدى.
«بۇگىنگى كەشتەگى ءبىزدىڭ ماقساتىمىز - كەلەشەك ۇرپاق بويىنا مۇقاعالي ولەڭدەرىندەگى ادامگەرشىلىك، ىزگىلىك قاسيەتتەردى ءسىڭىرۋ ارقىلى ۇلتتىق تاربيە بەرۋ، اقيىق اقىننىڭ رۋحاني مۇرالارىن تاعى ءبىر مارتە جاڭعىرتۋ جانە مۋزىكامەن پوەزيانى ۇشتاستىرا وتىرىپ كورەرمەنگە كەرەمەت كەش ۇسىنۋ»، - دەيدى ارايلىم راحىم قىزى.
«ەسىڭە مەنى العايسىڭ» مۋزىكالىق-پوەزيالىق كەشىندە ەلىمىزگە بەلگىلى فيلارمونيا انشىلەرى، قازاقستاننىڭ ەڭبەك سىڭىرگەن ءارتيسى مايرا يلياسوۆا، ق ر ەڭبەك سىڭىرگەن قايراتكەرلەرى: مەدەت سالىقوۆ، كلارا تولەنبايەۆا، ازامات جىلتىركوزوۆ، قانات جانە سۆەتا ايتبايەۆتار، گۇلنۇر ورازىمبەتوۆا، التىناي جورابايەۆا، ارايلىم راحىم قىزى، سۇندەت بايعوجين، ەلەنا ءابدىحالىقوۆا، حالىقارالىق بايقاۋلاردىڭ لاۋرەاتتارى زارينا وماروۆا، اقبوتا قۇسنادين، اكىمحان ماجەنوۆ، مۇراتبەك حايرولدا، ديانا ماي، سالتانات سەركەبايەۆا، نۇربول بالاپانوۆ، پاراسات وتان، تالعات اللابيرينوۆ، ايگەرىم وراز، ايدىن جۇماباي، ساۋلەجان تاعزيا، اسەت ءالجانوۆ، «اينالايىن» بالالار حورى مەن «Alem» ەسترادالىق ءبي ءانسامبلىنىڭ جانە ق ر ەڭبەك سىڭىرگەن قايراتكەرى، تانىمال اكتەر جانقالدىبەك تولەنبايەۆ (مۇقاعالي وبرازىندا) ونەر كورسەتتى.
