مەملەكەت باسشىسى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى مارات احمەتجانوۆتى قابىلدادى
ارات احمەتجانوۆ پرەزيدەنتكە سىبايلاس جەمقورلىققا قارسى ساياساتتىڭ 2022-2026- جىلدارعا ارنالعان تۇجىرىمداماسىن ىسكە اسىرۋ جوسپارىن تانىستىردى. قازىر پارلامەنتتە زاڭسىز بايىعانى ءۇشىن جاۋاپكەرشىلىك ەنگىزۋ جانە سىبايلاس جەمقورلىقتى اشكەرەلەۋشىلەردى قورعاۋ جۇيەسىن قالىپتاستىرۋ ماسەلەلەرىنە قاتىستى زاڭ جوباسى قاراستىرىلىپ جاتىر. بۇل نورما مەملەكەتتىك قىزمەتشىلەردىڭ كىرىستەرى مەن شىعىستارىن باقىلاۋعا مۇمكىندىك بەرەدى.
قاسىم- جومارت توقايەۆقا سىبايلاس جەمقورلىقپەن كۇرەس تۇجىرىمداماسىن جۇزەگە اسىرۋعا بارلىق مەملەكەتتىك ورگان تارتىلاتىنى تۋرالى مالىمەت بەرىلدى. سىبايلاس جەمقورلىققا قارسى ءىس- قيمىلعا قاتىستى قابىلدانىپ جاتقان شارالاردىڭ تولىق اتقارىلۋى بويىنشا ءار ۆەدومستۆودا جاۋاپتى ادامدار بەكىتىلەدى. مەملەكەت باسشىسى تۇجىرىمدامانى جۇزەگە اسىرۋ ءۇشىن ۇسىنىلعان تاسىلدەردى قولداپ، اگەنتتىكتىڭ وسى باعىتتاعى ۇيلەستىرۋشى ءرولىن كۇشەيتۋدى تاپسىردى. پرەزيدەنت بۇل جۇمىستى ەرەكشە باقىلاۋعا الدى.
كەزدەسۋ قورىتىندىسى بويىنشا قاسىم- جومارت توقايەۆ سىبايلاس جەمقورلىقتىڭ العىشارتتارىن جويۋعا، قىلمىس تاسىلدەرىن اشكەرەلەۋگە جانە جەمقورلاردى جاۋاپكەرشىلىككە تارتۋعا باعىتتالعان جۇيەلى جۇمىستى جالعاستىرۋ جونىندە تاپسىرما بەردى.
