بيولوگيالىق بەلسەندى قوسپالار ادام اعزاسىنا قالاي اسەر ەتەدى
دەگەنمەن، ولاردان قالاعان ناتيجە الا الماي، كوڭىل تولماۋشىلىقتارى دا كەزدەسەدى. وسىعان وراي، الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى ب ب ق- نى قابىلداۋ، ونىڭ پايداسى مەن زيانى تۋرالى مالىمەت بەردى، دەپ حابارلايدى قازاقپارات ءتىلشىسى.
دەپارتامەنتتە ءمالىم ەتكەندەي، بيولوگيالىق قوسپالارعا: مۋلتيۆيتاميندەر، مينەرالدى كەشەندەر، ەحيناتسەيا سىعىندىسى، ومەگا 3، حوندوپروتەكتورلار جانە يممۋنومودۋلياتورلار كىرەدى.
«ءدارىحانالاردا ءارتۇرلى تۇردەگى بيوقوسپالاردى: دارىلەر، كاپسۋلالار، ۇنتاقتار، تۇنبالار، بالزامدار، سيروپتار، گەلدەردى ۇسىنادى. تابيعي نەمەسە تابيعي ۇقساس زاتتاردى از كولەمدە (ب ب ق) ىشۋگە، تاماققا، كرەمدەرگە، بالزامدارعا جانە ت. ب. قوسۋعا بولادى. ب ب ق قۇرامىنا وسىمدىكتەر، شوپتەر، مينەرالدار، تاعامدىق تالشىقتار، ارا ونىمدەرى، تەڭىز ونىمدەرى، بالدىرلار، پروبيوتيكتەر، اشىتقىلار جانە باسقا دا زاتتار كىرۋى مۇمكىن. ءبىراق، ءدارىنى ولارمەن اۋىستىرۋعا، سونداي- اق، اۋرۋدى ءوز بەتىنشە ەمدەۋگە بولمايدى. بيولوگيالىق بەلسەندى قوسپالار ءبىرقاتار ماڭىزدى فاكتورلارعا بايلانىستى بىرنەشە كلاستارعا بولىنەدى. نەگىزگى ءۇش توپ: ەۋبيوتيكتەر، نۋتريتسيەۆتيكتەر جانە پارافارماتسيەۆتيكتەر دەپ اتالادى. ولار بەلگىلى ءبىر كومپونەنتتەردىڭ قۇرامى مەن پايىزدىق قۇرامى بويىنشا بولىنەدى. كوپتەگەن بيولوگيالىق بەلسەندى قوسىلىستار، مىسالى، فلاۆونويد كلاسى سياقتى، ورگانيزم ءارتۇرلى وسىمدىكتەردەن الادى»، - دەپ ءمالىم ەتتى دەپارتامەنتتە.
سونداي-اق، ءاربىر تاماق قابىلداۋ كەزىندە قوسىمشا رەتىندە ب ب ق پايدالانۋعا بولادى. دەگەنمەن، وندا دا اباي بولۋ قاجەت.
«مىسالى مۋلتيۆيتاميندەردى الايىق. ولاردىڭ قۇرامىندا 10 نان ارتىق كومپونەنتتەر بولۋى مۇمكىن. ولاردىڭ بارلىعى سىزگە قاجەت پە؟ الدىن الۋ ءۇشىن مۇنداي ۆيتاميندەردى قابىلداۋعا بولمايدى، سەبەبى مۋلتيۆيتاميندەردى باقىلاۋسىز قابىلداۋدىڭ زيانى تۋرالى ءبىرقاتار زەرتتەۋلەر بار»، - دەدى دەپارتامەنتتە.
ەگەر ءسىز ب ب ق قابىلداساڭىز، وندا ونىڭ مولشەرىن ساقتاۋ قاجەتتىگىن ەستە ۇستاڭىز.
«بەتا-كاروتيننىڭ شامادان تىس مولشەرى تەمەكى شەگۋشىلەردە وكپە وبىرىنىڭ دامۋ قاۋپىن ارتتىرادى. ال كالتسي مەن D ۆيتامينىن كوپ تۇتىنۋ بۇيرەكتە تاستاردىڭ پايدا بولۋ قاۋپىن ارتتىرادى. ب ب ق پايدالانا وتىرىپ، ولاردىڭ ءدارى-دارمەك ەمەس ەكەنىن جانە ارنايى سەرتيفيكاتتاۋدى تالاپ ەتپەيتىنىن ءبىلىڭىز، ءدارى-دارمەك رەتىندە ارنايى سىناقتان وتپەدى، ءبىراق ولاردى ءدارىحانالاردا ساتىپ الۋعا بولادى. جالپى بيولوگيالىق بەلسەندى قوسپالار ادامدى ەمدەمەيدى، ولار اۋرۋلاردىڭ الدىن الۋ قۇرالى بولىپ تابىلادى. ولار ادام اعزاسىن تاماق ارقىلى الاتىن پايدالى زاتتار مەن مينەرالداردىڭ جەتىسپەۋشىلىگىن وتەۋگە بولادى. اسىرەسە، جۇيكە جانە دەنە جۇكتەمەلەرىنىڭ جوعارىلاۋى كەزىندە، سونداي-اق، ادام اۋرۋدان كەيىن قالپىنا كەلگەندە وتە ماڭىزدى. سونداي-اق، جارنامالاناتىن بيوقوسىمشالاردى قابىلداۋ الدىندا مىندەتتى تۇردە ەمدەۋشى دارىگەرگە بارىڭىز.
ەسىڭىزدە بولسىن، كەيبىر قوسپالار دارىلىك ءدارى-دارمەكتەرمەن ءوزارا ارەكەتتەسەدى، بۇل اعزاعا جاعىمسىز جانە قاۋىپتى سالدارى بولۋى مۇمكىن. ال ءدارى-دارمەكتەردى باسقا دارىگەر سىزگە قابىلداۋعا جازىپ بەرسە، وندا وعان قانداي قوسپالاردى قابىلدايتىنىڭىزدى ايتۋدى ۇمىتپاڭىز.
قوسپالاردى ساۋاتسىز، زاڭسىز قولدانۋ قايعىلى جانە جاعىمسىز سالدارعا اكەلۋى مۇمكىن»، - دەپ ەسكەرتتى دەپارتامەنتتە.
