ءاليحان سمايىلوۆ وزبەكستان پرەزيدەنتى شاۆكات ميرزيەيەۆپەن كەلىسسوز جۇرگىزدى
ءا. سمايىلوۆ ش. ميرزيەيەۆپەن كەزدەسۋ بارىسىندا قازاقستان مەن وزبەكستان اراسىنداعى ەكىجاقتى قارىم-قاتىناس ءوزارا سەنىمگە جانە تۇسىنىستىككە نەگىزدەلگەن ستراتەگيالىق سەرىكتەستىك پەن وداقتاستىقتىڭ جارقىن كورىنىسى ەكەنىن اتاپ ءوتتى.
«ءسىزدىڭ وتكەن جىلدىڭ جەلتوقسان ايىندا قازاقستانعا جاساعان مەملەكەتتىك ساپارىڭىز قازاقستان مەن وزبەكستاننىڭ كەڭ اۋقىمدى ىنتىماقتاستىعىن دامىتۋعا ۇلكەن سەرپىن بەردى. ەكى ەلدىڭ ۇكىمەتتەرى ءسىزدىڭ جانە ق ر پرەزيدەنتى قاسىم-جومارت كەمەل ۇلى توقايەۆتىڭ اراسىندا قول جەتكىزىلگەن ۋاعدالاستىقتاردى ناقتى ىسكە اسىرۋ ماقساتىندا بەلسەندى جۇمىس ىستەپ جاتىر. ءبىزدىڭ وداقتاستىق قاتىناستارىمىزدىڭ قۋاتتى ءارى ورنىقتى ەكونوميكالىق پلاتفورماسىن قۇرۋعا ەرەكشە كوڭىل ءبولىنىپ وتىر»، — دەدى ءا. سمايىلوۆ.
ق ر پرەمەر-ءمينيسترى ءوزارا ىنتىماقتاستىقتىڭ دامۋ قارقىنى جوعارى ەكەنىن اتاپ ءوتتى. وزبەكستان - قازاقستاننىڭ ورتالىق ازياداعى نەگىزگى ساۋدا سەرىكتەسى. 2021-جىلدىڭ قورىتىندىسى بويىنشا ەكىجاقتى ساۋدا كولەمى %33- عا ارتىپ، $4,3 ميلليارد قۇرادى. تاياۋ جىلدارى اتالعان كورسەتكىشتى $5 ميللياردقا دەيىن ۇلعايتىپ، ورتا مەرزىمدى پەرسپەكتيۆادا $10 ميللياردقا جەتكىزۋ جوسپاردا بار.
قازاقستان مەن وزبەكستاندا 3 مىڭعا جۋىق بىرلەسكەن كاسىپورىن جۇمىس ىستەيدى.
ق ر پرەمەر-ءمينيسترى ماشينا جاساۋ، جەڭىل ونەركاسىپ جانە وڭدەۋشى سەكتوردىڭ باسقا دا سالالارىنداعى قازاقستان-وزبەكستان ىنتىماقتاستىعىنىڭ جوعارى سەرپىنىن اتاپ ءوتتى.
اۆتوموبيل جاساۋدا، اۋىل شارۋاشىلىعى تەحنيكاسى وندىرىسىندە جانە توقىما سالاسىندا 5 بىرلەسكەن جوبا ىسكە اسىرىلىپ جاتىر. قۇرىلىس يندۋسترياسى مەن ماشينا جاساۋدا $365 ميلليون جۋىق سوماعا 7 جوبا پىسىقتالۋدا.
ەلدەر اراسىندا ساۋدا-ەكونوميكالىق ىنتىماقتاستىق جونىندەگى پرەزيدەنتتەردىڭ ارنايى وكىلدەرىنىڭ تەتىگى ەنگىزىلدى. ەكى ەلدىڭ شەكاراسىندا «ورتالىق ازيا» حالىقارالىق ونەركاسىپتىك كووپەراتسيا ورتالىعىن قۇرۋ جوباسىن ىسكە اسىرۋ بويىنشا جۇمىستار اتقارىلىپ جاتىر. ءا. سمايىلوۆتىڭ وزبەكستان رەسپۋبليكاسىنىڭ پرەمەر-ءمينيسترى ا. اريپوۆپەن كەلىسسوزى بارىسىندا ساۋدا-ەكونوميكالىق، ينۆەستيتسيالىق، سۋ-ەنەرگەتيكالىق، ترانزيتتىك-كولىك، قۇرىلىس، اۋىل شارۋاشىلىعى، توقىما، اۆتوموبيل جاساۋ، مادەني-گۋمانيتارلىق جانە باسقا دا سالالارداعى ىنتىماقتاستىقتى ودان ءارى دامىتۋدىڭ كوپتەگەن ماسەلەلەرى تالقىلاندى.
سىرداريا وزەنى باسسەينىندەگى سۋ شارۋاشىلىعى جاعدايىنا جانە قازاقستان رەسپۋبليكاسىنىڭ وڭتۇستىكتەگى وڭىرلەرىندەگى سۋارمالى جەرلەردى ۆەگەتاتسيالىق كەزەڭدە سۋمەن قامتاماسىز ەتۋگە ەرەكشە نازار اۋدارىلدى.
ساپار قورىتىندىسى بويىنشا اۋىل شارۋاشىلىعى سالاسىندا ورتا مەرزىمدى پەرسپەكتيۆاعا ارنالعان ەكىجاقتى ىنتىماقتاستىقتى جانداندىرۋ جونىندەگى جول كارتاسىنا قول قويىلدى.
«ازىق-تۇلىك كەلىسىم شارت كورپوراتسياسى» ۇ ك» ا ق وزبەك تاراپىنداعى ارىپتەسىمەن وزبەكستان رەسپۋبليكاسىنان كوكونىس ونىمدەرى مەن كارتوپتى ساتىپ الۋعا شەكتى كەلىسىمشارت جاساستى.
ەكى ەلدىڭ ىسكەر توپتارىنىڭ وكىلدەرى ماشينا جاساۋ، ا و ك جانە لوگيستيكا سالالارىندا جالپى سوماسى $661 ميلليون قۇرايتىن ءبىرقاتار كوممەرتسيالىق قۇجاتقا قول قويدى.
تاشكەنت قالاسىنا ساپارى اياسىندا ق ر پرەمەر-ءمينيسترى ونەركاسىپتىك، تەحنيكالىق، ەلەكتروندىق، قۇرىلىس جانە تۇرمىستىق ونىمدەر شىعاراتىن «تەحنوپارك» وندىرىستىك ايماعىنىڭ جۇمىسىمەن تانىستى.
