پرەزيدەنت ا ە س تۋرالى: بىزگە اتوم ەنەرگياسى قاجەت
«ءبىز ەلەكترمەن جابدىقتاۋ جۇيەسىنىڭ جۇمىسىندا تۇراقتى ىركىلىستەرگە تاپ بولدىق. ەڭ جارقىن مىسال- جاقىندا ەلدىڭ وڭتۇستىگىندە ەلەكتر قۋاتىن وشىرۋمەن بايلانىستى بولدى. ءبىز شەكارالاس مەملەكەتتەردىڭ ەنەرگيا جۇيەسىندەگى جۇمىستىڭ ساپاسىنا ءىشىنارا تاۋەلدىمىز»، - دەگەن مەملەكەت باسشىسى ەلدىڭ ەنەرگەتيكالىق قاۋىپسىزدىگى پروبلەماسىن شۇعىل شەشۋ كەرەكتىگىن باسا ايتتى.
«جاۋاپتى ادامداردىڭ اتوم ستانسياسىنىڭ قۇرىلىسى تۋرالى سۇراقتارعا جاۋاپ بەرۋدەن نەلىكتەن قاشقاقتايتىنىن تۇسىنبەيمىن. تۋراسىن ايتۋ كەرەك: تازا اتوم ەنەرگياسىنسىز ءبىز ينۆەستيتسيالار تۋرالى ايتپاعاندا، بۇكىل ەكونوميكامىزدى جوعالتىپ الامىز، وڭىرلىك كوشباسشىلىعىمىزدى جوعالتامىز»، - دەگەن پرەزيدەنت ماسەلەنىنىڭ مانىنە تەرەڭدەپ بارمايتىن، پوپۋليستەردىڭ سوزىنە ەرمەۋ ماڭىزدى ەكەنىن ەسكە سالدى.
«بىزگە ەلەكتر ەنەرگياسى قاجەت، ال اتومدىق، تازا ەلەكتر ەنەرگياسى كەرەك. اتوم ەنەرگەتيكاسىنىڭ ماڭىزدىلىعىن كاسىبي تۇردە ءتۇسىندىرۋ قاجەت»، - دەدى قاسىم-جومارت توقايەۆ.
اۆتور: ەسىمجان ناقتىباي
