15:00, 08 - اقپان 2022 | GMT +5
پرەزيدەنت جالاقى ءوسىمى تۋرالى ستاتيستيكا جايىندا: بۇل - ناعىز كوزبوياۋشىلىق
نۇر-سۇلتان. قازاقپارات - ورتاشا جالاقى مەن جان باسىنا شاققانداعى تابىس كولەمى ۇدايى ءوسىپ كەلەدى دەگەن كوپىرمە ەسەپ بەرىلىپ ءجۇر.
بۇل تۋرالى ۇكىمەتتىڭ كەڭەيتىلگەن وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«قازىرگى تاڭدا 1 ميلليونعا جۋىق ادامنىڭ تابىسى ەڭ تومەنگى كۇنكورىس دەڭگەيىنە دە جەتپەيدى. بۇل - سوڭعى 10 جىلداعى ەڭ ناشار كورسەتكىش. سويتە تۇرا ورتاشا جالاقى مەن جان باسىنا شاققانداعى تابىس كولەمى ۇدايى ءوسىپ كەلەدى دەگەن كوپىرمە ەسەپ بەرىلۋدە. بۇل - ناعىز كوزبوياۋشىلىق. مەنىڭ تاپسىرمام بويىنشا حالىقتىڭ تابىسىن ارتتىرۋعا ارنالعان باعدارلاما ازىرلەنىپ جاتىر. بۇل قۇجاتتا تۇرعىنداردىڭ كىرىسىن كوبەيتۋمەن قاتار ورىنسىز شىعىنىن ازايتاتىن تىڭ شارالار قاراستىرىلۋى ءتيىس»، - دەدى قاسىم-جومارت توقايەۆ.
اۆتور: مارلان جيەمباي
