الماتىدا كىشى الماتى مەن ەسەنتاي جاعالاۋلارى قالاي وزگەردى

«بۇل اۋماقتاردى اباتتاندىرۋدىڭ باستى مىندەتى - الماتى جاعالاۋلارىن جايلى جانە ءقاۋىپسىز جەرگە اينالدىرۋ. ول ءۇشىن ءبىز تروتۋارلاردى كەڭەيتىپ، بۇتالار وتىرعىزدىق. سۋ ماڭىنداعى كەڭىستىك جاياۋ جۇرگىنشىلەرگە بەرىلدى، بالالار الاڭدارى پايدا بولدى»، - دەدى اسەت ماسابايەۆ.

سونداي-اق، كىشى الماتى وزەنىنىڭ بويىنداعى جاياۋ جۇرگىنشىلەر ايماعىن قايتا جاڭارتۋ جۇرگىزىلدى. ۇزىندىعى 9 شاقىرىم جاياۋ جۇرگىنشى جولى اباتتاندىرىلدى، اۋماقتا جاسىل قور جاقسارتىلدى، 5 مىڭعا جۋىق بۇتا وسىمدىكتەرى وتىرعىزىلدى، گابيون قۇرىلىمدارى نىعايتىلدى جانە قالپىنا كەلتىرىلدى.

«سونىمەن قاتار، ماقاتايەۆ كوشەسىندەگى كوپىر قايتا جوندەلدى. قالالىقتارعا ىڭعايلى بولۋ ءۇشىن جاڭا ورىندىقتار جاڭارتىلىپ، قوسىلدى، ناۆيگاتسيالىق ستەندتەر مەن اقپاراتتىق ستەلالار ورناتىلدى. سونداي-اق، ءال-فارابي داڭعىلىنىڭ استىنداعى تۋننەل اباتتاندىرىلدى، ال وقۋشىلار سارايى عيماراتىنىڭ ارتىندا باقىلاۋ الاڭى قۇرىلدى. كەڭىستىكتىڭ ۇيلەسىمدىلىگى مەن تۇتاستىعىن ساقتاۋ ءۇشىن بارلىعى اعاشتان جاسالعان، دەدى اۋدان اكىمى. قالا تۇرعىندارىنىڭ كوپتەگەن وتىنىشتەرى بويىنشا سانيتارلىق توراپتار ورناتىلىپ، قوسىلعان، سونداي- اق بالالار الاڭدارى ۇيىمداستىرىلعان»، - دەيدى اۋدان اكىمى.

ونىڭ ايتۋىەشا، ەسەنتاي وزەنى ماڭىندا جاڭا پرومەنادتىق ايماقتىڭ قۇرىلىسى ءجۇرىپ جاتىر. سۋ بولگىشتەن جاماقايەۆ كوشەسىنە دەيىنگى جاياۋ جۇرگىنشىلەر ايماعىنىڭ جالپى ۇزىندىعى 4,2 شاقىرىم بولادى. بۇگىندە 1,8 شاقىرىم ءبىرىنشى ۋچاسكەدە جاياۋ جۇرگىنشىلەر جولىن سالۋ جانە جاعالاۋدى بەكىتۋ جۇمىستارى اياقتالدى. جاعالاۋدا جارىق شامدارى، ويىن جانە سپورت الاڭدارى ورناتىلدى. كوگالداندىرۋ جۇمىستارى جۇرگىزىلدى، 3 مىڭ شارشى مەتر اۋماققا 3 مىڭنان استام بۇتالار مەن باسقا دا كوپجىلدىق وسىمدىكتەر وتىرعىزىلدى. 800 مەتر اعاش جاياۋ جۇرگىنشى جولى جانە 1,6 شاقىرىم اسفالت جولى سالىندى.

مۇندا سونداي-اق قاراۋ الاڭى مەن وزەنگە اشىق كورىنەتىن ەكولوگيالىق ماتەريالداردان جاسالعان ورىندىقتار قاراستىرىلعان.

اسەت ماسابايەۆ تىكساي وزەنىنىڭ ارناسى جاڭارتىلاتىنىن تىلگە تيەك ەتتى.

ونىڭ ايتۋىنشا، جاعالاۋدى نىعايتۋ ءجۇرىپ جاتىر، ال جاعالاۋدا تازالانباعان ۋچاسكەلەردىڭ ورنىنا جاياۋ جۇرگىنشىلەر جولى بار جاڭا قوعامدىق كەڭىستىكتەر قۇرىلاتىن بولادى. جاعالاۋ جارىقتاندىرىلادى، جۇمىستاردى اياقتاۋ 2022 -جىلعا جوسپارلانعان. سونىمەن قاتار، مەدەۋ اۋدانىنداعى دوستىق گۇلزارىندا كىشى الماتى وزەنى بويىندا قۇرمانعازى كوشەسىنەن گوگول كوشەسىنە دەيىن كۇردەلى جوندەۋ جۇمىستارى جۇرگىزىلدى. جارىقتاندىرۋ، ورىندىقتار مەن قوقىس جاشىكتەرىن ورناتۋ جۇمىستارى جۇرگىزىلدى، برۋسچاتكا مەن جاڭا اسفالت توسەلدى. سونداي-اق، بالالار مەن سپورت الاڭدارى پايدا بولدى، اعاشتار، گۇلزارلار مەن بۇتالار وتىرعىزىلدى.

وسى جىلى جامال وماروۆا كوشەسىندەگى دوستىق داڭعىلىنان لۋگانسكي كوشەسىنە دەيىنگى جالپى ۇزىندىعى 500 مەتر جاياۋ جۇرگىنشىلەر جولىنا اعىمداعى جوندەۋ جۇمىستارى اياقتالدى. قوعامدىق كەڭىستىك قالپىنا كەلتىرىلدى، كوگالدار، بۇتالار مەن اعاشتار وتىرعىزىلدى، جارىقتاندىرۋ باعانالارى ورناتىلدى، تروتۋار پليتكالارى توسەلدى.

اۆتور: الما مۇقانوۆا