الماتىدا اشىق جۇرەككە كريوابلياتسيا وپەراتسياسى جاسالدى

الماتى. قازاقپارات - كارديولوگيا جانە ىشكى اۋرۋلار عىلىمي- زەرتتەۋ ينستيتۋتىندا بىردەن ەكى اۋرۋدى - جۇرەك ىرعاعىنىڭ بۇزىلۋلارىن جانە جۇرەكتىڭ كەمىستىگىن ەمدەۋگە باعىتتالعان اشىق جۇرەككە كريوابلياتسيا وپەراتسياسى جاسالدى، دەپ حابارلايدى قازاقپارات ءتىلشىسى.

كريوابلياتسيا بۇگىندە تەك قانا كارديولوگيا جانە ىشكى اۋرۋلار ع ز ي- دا جاسالادى. وپەراتسيا ۇستەلىندەگى كەزەكتى پاتسيەنت 64 جاستاعى ايەل، ول الداعى جاڭا جىلدا ادەتتەگى قالىپتى ومىرىنە ورالا الادى - تولىقتاي وڭالتۋ ءبىر ايعا جۋىق ۋاقىتتى الادى.

جاساندى قاناينالىم زەرتحاناسى مەن وپەراتسيا بلوگى بار كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتايەۆتىڭ ايتۋىنشا، كريوابلياتسيا - زاماناۋي جانە سەنىمدى تەحنولوگيالاردىڭ ءبىرى.

«جۇرەكتىڭ قاقپاقشالىق كەمىستىگىنىڭ سالدارىنان كوبىنە جۇرەك ىرعاعى بۇزىلادى. بۇگىنگى تاڭدا ءبىز جۇرەك ىرعاعىنىڭ بۇزىلىسىن ەمدەۋ ءۇشىن جاڭا تەحنولوگيا - كريوابلاتسيانى پايدالانامىز. بۇعان دەيىن جىلۋ ەنەرگياسىن پايدالانساق، بۇگىندە - مەديتسينالىق ازوتپەن سۋىق ەنەرگيانى پايدالانامىز. بىزدە وسىنداي وپەراتسيالار جاساۋدىڭ تاجىريبەسى بار جانە ولاردىڭ قانداي جاقسى ناتيجە بەرەتىنىن كورىپ وتىرمىز، ال ارالاسۋدان كەيىن پاتسيەنتتە تۇراقتى ىرعاق قالىپتاسىپ، ساقتالادى»، - دەيدى دارىگەر.

كريوابلياتسيا جاساۋ ءۇشىن كورسەتكىشتەرگە پاروكسيزمالدى نەمەسە تۇراقتى نىسانداعى بولسىن، جۇرەكتىڭ قاقپاقشالى كەمىستىگى مەن ىرعاعىنىڭ بۇزىلۋى جاتادى. قارسى كورسەتكىشتەر جوق - ءتىپتى ترومب بولعان جاعدايدا حيرۋرگتار ارالاسادى دا، ونى الىپ تاستايدى. سونىمەن بىرگە، كريوابلياتسيا ترومبوەمبوليالىق اسقىنۋلار مەن ينسۋلتتاردىڭ الدىن الۋعا كومەكتەسەدى، بۇل دارىگەردىڭ پىكىرىنشە، ينسۋلتتەردىڭ شامامەن % 80- ى جۇرەك ىرعاعىنىڭ بۇزىلۋى سەبەبىنەن بولادى. وپەراتسيا 4-5 ساعاتقا سوزىلادى. قازاقستاندىقتارعا مەديتسينالىق ساقتاندىرۋ قورى ەسەبىنەن وپەراتسيا تەگىن جاسالاتىنىن ايتا كەتۋ كەرەك.

«بارلىق ەم- شارالاردى ءبىز ءبىر وپەراتسيا كەزىندە جاسايمىز، وسىدان كەيىن پاتسيەنتتىڭ جۇرەك ىرعاعى قالپىنا كەلىپ، جىلدام ساۋىعىپ، وپەراتسيانىڭ اسەرىن ەرتە سەزىنەدى. ويتكەنى جۇرەك دۇرىس جيىرىلا باستاعاندىقتان، ءارى قاراي جۇرەك تىنىندە قوسىمشا قايتالاما وزگەرىستەر بولمايدى»، - دەپ ءتۇسىندىردى رۇستەم تولەۋتايەۆ.

دارىگەردىڭ ايتۋىنشا، الدىڭعى حيرۋرگيالىق ارالاسۋلار ءتيىستى ناتيجەلەر بەرمەي، سودان كەيىن پاتسيەنتكە كريوابلاتسيا جاسالىپ، جاقسى ناتيجەلەر بولعان. كريوابلاتسيا پاتسيەنتكە قاي ءادىس ساي كەلۋىنە بايلانىستى ستاندارتتى ءادىس - اشىق جۇرەكتە دە، سونىمەن قاتار از ينۆازيۆتى ادىسپەن دە ىسكە اسىرىلۋى مۇمكىن. بۇل جاعدايدا 64 جاستاعى پاتسيەنتكە لاپاروسكوپيامەن وپەراتسيا جاساۋ مۇمكىن بولمادى دەيدى دارىگەرلەر. وڭالتۋ شاراسى مەيلىنشە قىسقا ۋاقىتتى الادى.

«وسىلايشا، ەرتە وڭالتۋ كەزەڭى ءبىر اپتا ىشىندە وتەدى، ال ءبىر ايدان كەيىن پاتسيەنت كلينيكاعا وڭالتۋدىڭ ەكىنشى كەزەڭىنە قايتىپ كەلەدى. وڭ ناتيجەسى ءبىر ايدان كەيىن- اق بىلىنە باستايدى، ياعني ناۋقاستىڭ ءال- اۋقاتى جاقسارىپ جانە دارىگەرگە كەلەتىندەي سيمپتومدارى بولمايدى. وسىعان كوڭىل اۋدارۋ قاجەت. ەگەر ادام ەنتىگۋ، شارشاۋ، جۇرەكتىڭ اۋىرۋى مەن ءىسىنۋ سەكىلدى بەلگىلەردى بايقايتىن بولسا، ساق بولۋى ءتيىس»، - دەيدى دارىگەر.

ونىڭ ايتۋىنشا، سيمپتومداردىڭ پايدا بولۋىن كۇتۋگە بولمايدى، پروفيلاكتيكا ءۇشىن جىل سايىنعى سكرينينگتەن ءوتۋ كەرەك، ول اۋىرۋ پايدا بولاتىن بولسا ەرتە انىقتاۋعا مۇمكىندىك بەرەدى. اۋرۋ قانشالىقتى ەرتە انىقتالسا، ونى ەمدەۋ سونشالىقتى جەڭىل بولادى.

اۆتور: الما مۇقانوۆا