پرەزيدەنتتىڭ قۇتتىقتاۋ حاتى قۋانىشىمىزدى ەسەلەي ءتۇستى - اتىراۋلىق ەگىزدىڭ اناسى
«16-جەلتوقسان ءبىزدىڭ وتباسىمىز ءۇشىن ەكى مەرەكەنى قاتار اتاپ وتەتىن كۇنگە اينالدى. ءبىرى - ەلىمىزدىڭ تاۋەلسىزدىك مەرەكەسى، ەكىنشىسى - ۇلدارىمىزدىڭ تۋعان كۇنى. پرەزيدەنتتىڭ قۇتتىقتاۋ حاتى كوڭىلىمىزدى كوتەرىپ، قۋانىشىمىزدى ەسەلەي ءتۇستى»، - دەيدى قازاقپارات تىلشىسىمەن قۋانىشىن بولىسكەن جاس انا.
بۇدان بۇرىن اتىراۋدا 84 سابيگە «ءسۇيىنشى» سىيقورابى تابىس ەتىلگەنىن جازعان ەدىك. «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- نىڭ اتىراۋ وبلىسى بويىنشا فيليالىنىڭ ديرەكتورى مۋسا حايرۋلليەۆتىڭ مالىمەتىنشە، 84 سابيگە تابىستالعان «ءسۇيىنشى» سىيقورابىندا پرەزيدەنت قاسىم-جومارت توقايەۆتىڭ قۇتتىقتاۋ تىلەگى جازىلعان اشىق حات، «تاۋەلسىز قازاقستانعا 30 جىل» مونەتاسى مەن بالانىڭ تۋۋى تۋرالى كۋالىگى سالىنعان.
مەرەكە كۇندەرى اتىراۋ قالاسىندا 73، جىلىوي اۋدانىندا 4، قىزىلقوعادا - 3، قۇرمانعازىدا - 2، ماقاتتا - 1، يندەر اۋدانىندا 1 نارەستە ومىرگە كەلگەن. ولاردىڭ اراسىندا 2 ەگىز بار. ەگىز بوسانعان انانىڭ ءبىرى - ايگەرىم مۇحامبەتجانوۆا.
«ەل تاۋەلسىزدىگىنىڭ 30 جىلدىق مەرەكەسى كۇنى - 16-جەلتوقساندا ەگىز ۇلدارىمدى بوساندىم. ۇلدارىمىزعا سۇلتان جانە سۋلەيمان ەسىمىن بەردىك. پرەزيدەنتتىڭ ۇلدارىمىزدىڭ بولاشاعىنا ىزگى تىلەگىن ارناعان قۇتتىقتاۋ حاتى كوڭىلىمىزدى كوتەرىپ، وتباسىلىق قۋانىشىمىزدى ەسەلەي ءتۇستى»، - دەيدى ول.
اۆتور: بەك مۇستافا
