ەلوردا مەكتەپتەرىنە تانىمال تۇلعالاردىڭ ەسىمى بەرىلمەك

نۇر-سۇلتان. قازاقپارات - نۇر-سۇلتان قالاسىنىڭ بىرنەشە مەكتەبىنە ەلىمىزگە تانىمال تۇلعالاردىڭ ەسىمىن بەرۋ ماسەلەسى قارالىپ جاتىر، دەپ حابارلايدى قازاقپارات.

نۇر-سۇلتان قالاسىنداعى كەيبىر ءبىلىم بەرۋ ۇيىمدارىنا اتاۋ بەرۋ تۋرالى ۇكىمەتتىڭ قاۋلىسى اشىق ن ق ا سايتىنا جاريالاندى. 1) نۇر-سۇلتان قالاسى اكىمدىگىنىڭ «№ 11-مەكتەپ- ليتسەي» كوممۋنالدىق مەملەكەتتىك مەكەمەسىنە وزبەكالى جانىبەكوۆتىڭ ەسىمى؛ 2) نۇر-سۇلتان قالاسى اكىمدىگىنىڭ «№ 49-ورتا مەكتەپ» كوممۋنالدىق مەملەكەتتىك مەكەمەسىنە قوشكە كەمەڭگەر ۇلىنىڭ ەسىمى؛ 3) نۇر-سۇلتان قالاسى اكىمدىگىنىڭ «№69-مەكتەپ- گيمنازيا» كوممۋنالدىق مەملەكەتتىك مەكەمەسىنە كەمەل اقىشەۆتىڭ ەسىمى؛ 4) نۇر-سۇلتان قالاسى اكىمدىگىنىڭ «№ 2 -بالالار مۋزىكا مەكتەبى» مەملەكەتتىك كوممۋنالدىق قازىنالىق كاسىپورنىنا روزا باعلانوۆانىڭ ەسىمى؛ 5) نۇر-سۇلتان قالاسى اكىمدىگىنىڭ «№ 3-بالالار مۋزىكا مەكتەبى» مەملەكەتتىك كوممۋنالدىق قازىنالىق كاسىپورنىنا ەرمەك سەركەبايەۆتىڭ ەسىمى؛ 6) نۇر-سۇلتان قالاسى اكىمدىگىنىڭ «№66-مەكتەپ- ليتسەي» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىنا دىنمۇحامەد قونايەۆتىڭ ەسىمى؛ 7) نۇر-سۇلتان قالاسى اكىمدىگىنىڭ «№ 77-مەكتەپ- گيمنازيا» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىنا فاريزا وڭعارسىنوۆانىڭ ەسىمى؛ 8) نۇر-سۇلتان قالاسى اكىمدىگىنىڭ «№83-مەكتەپ- گيمنازيا» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىنا ىبىراي التىنساريننىڭ ەسىمى بەرىلسىن.

ايتا كەتەيىك، اتالعان ماسەلە بويىنشا قوعامدىق تالقىلاۋ 23-جەلتوقسانعا دەيىن جالعاسادى.

اۆتور: ءالي يبرايەۆ